مظلوم عوام ملک کی ترقی و خوشحالی اور حقوق کے حصول کیلئے ایم کیوایم کی جدوجہد کا عملی طور پر حصہ بن رہے ہیں، ایم کیوایم سندھ تنظیمی کمیٹی

کراچی ۔۔۔7، اپریل 2013ء 

متحدہ قومی موومنٹ سندھ تنظیمی کمیٹی کے انچارج عمر قریشی اور اراکین نے پیپلزپارٹی ٹھٹھہ لیڈیز ونگ کی صدر محترمہ فہمیدہ شاہ ، ان کے شوہر شفیق احمد شاہ بخاری کی اپنے ساتھیوں سمیت ایم کیوایم میں شمولیت کا زبر دست خیر مقدم کیا ہے اور انکی ساتھیوں سمیت ایم کیوایم میں شمولیت کو سندھ دھرتی کے مستقل باشندوں کے درمیان پیار ، محبت اور یکجہتی کیلئے خوش آئند قرار دیا ہے ۔ اپنے مشترکہ بیان میں انہوں نے کہاکہ مظلوم عوام ملک کی ترقی و خوشحالی اور حقوق کے حصول کیلئے ایم کیوایم کی جدوجہد کا عملی طور پر حصہ بن رہے ہیں ۔انہوں نے کہاکہ محترمہ فہمیدہ شاہ اور ان کے شوہر شفیق احمدشاہ بخاری کی اپنے ساتھیوں سمیت ایم کیوایم میں شمولیت قائدتحریک جناب الطاف حسین کے فکر وفلسفہ اورنظریئے کی سچائی کا کھلا ثبوت ہے اور انشاء اللہ ان کی ایم کیوایم میں شمولیت سے سندھ دھرتی کے مستقل باشندوں کے درمیان نفرتیں اور دوریاں پیدا کرنے والے سازشی عناصر کوشکست کا سامنا کرنا پڑے گا ۔ ایم کیوایم سندھ تنظیمی کمیٹی کے انچارج و اراکین نے محترمہ فہمیدہ شاہ ، ان کے شوہر شفیق احمد شاہ بخاری کو اپنے ساتھیوں سمیت ایم کیوایم میں شمولیت اختیار کرنے پر دلی مبارکباد بھی پیش کی ۔