بشیر قریشی شہید نے سندھ کے حقوق کیلئے آخری سانس تک جدوجہد جاری رکھی، الطاف حسین

لندن ۔۔7اپریل 2013ء

متحدہ قومی موومنٹ کے قائد جناب الطاف حسین نے جئے سندھ قومی محاذ(جسقم ) کے شہید چیئر مین جناب بشیر قریشی کی پہلی برسی پر انہیں خراج عقیدت پیش کر تے ہوئے کہاہے کہ انہوں نے سندھ کے حقوق کیلئے آخری سانس تک جدوجہد جاری رکھی۔ جناب الطاف حسین نے کہا کہ بشیر قریشی شہید نے سندھ کے حقوق کیلئے تمام عمر صر ف کردی او رسند ھ میں آباد تمام قومیتوں کے باہم اتحاد کے لئے کوششوں میں سرگرم رہے ۔جناب الطاف حسین نے بشیر قریشی شہید کی خدمات کو سراہتے ہوئے انہیں خراج عقیدت پیش کیا او ران کے ایصال ثواب کیلئے دعا کی ۔ جناب الطاف حسین نے بشیر قریشی کے تمام لواحقین سے دل تعزیت کا اظہار کیا اور جسقم کے تمام کارکنوں سے کہا کہ وہ بشیر قریشی شہید کے راستے پر چلتے ہوئے سندھ کے حقوق کے لئے اپنی جدوجہد جاری رکھیں ۔