اورنگی ٹاؤن میں ایم کیوایم کے کارکن دانش کلیم کے بہیمانہ قتل پر قائدتحریک الطاف حسین کااظہار مذمت

لندن۔۔۔19 فروری 2015ء 

متحدہ قومی موومنٹ کے قائدجناب الطاف حسین نے اورنگی ٹاؤن میں ایم کیوایم یونٹ 118 - A کے کارکن دانش کلیم کے بہیمانہ قتل کی شدیدالفاظ میں مذمت کی ہے ۔ اپنے ایک بیان میں جناب الطاف حسین نے کہاکہ اورنگی ٹاؤن کا علاقہ پاکستان بازار، چشتی نگر یونٹ 118 - Aطالبان،داعش،القاعدہ اوردیگرکالعدم تنظیموں کاگڑھ بن چکا ہے جہاں یہ دہشت گرد ایم کیوایم کے سینکڑوں کارکنوں کوتاک تاک کر شہیدکرچکے ہیں مگرافسوس کہ ایم کیوایم کے کارکنوں کابہیمانہ قتل کرنے والے ان دہشت گردوں کوگرفتارنہیں کیا گیا ہے اوریہ ایم کیوایم کے کارکنوں کوچن چن کراپنی دہشت گردی کانشانہ بنارہے ہیں۔ جناب الطاف حسین نے کہاکہ اگرمتعلقہ اعلیٰ حکام اورسیکوریٹی ایجنسیز اورنگی ٹاؤن کے علاقوں پاکستان بازاراور چشتی نگرمیں چوبیس گھنٹے نگرانی رکھیں تووہاں ٹارگٹ کلنگزکرنے والے کالعدم تنظیموں کے ان دہشت گردوں کو گرفتار کیا جاسکتاہے۔جناب الطاف حسین نے حکومت سے مطالبہ کیاکہ ایم کیوایم اورنگی ٹاؤن سیکٹر کے کارکن دانش کلیم شہید کے قاتلوں کوفی الفورگرفتارکیاجائے اورانہیں قانون کے تحت سخت سے سخت سزادی جائے ۔ انہوں نے دانش کلیم شہیدکے لواحقین سے دلی تعزیت کااظہارکرتے ہوئے کہاکہ مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ انہوں نے دعاکی کہ اللہ تعالیٰ دانش کلیم شہیدکی مغفرت فرمائے، انہیں جنت الفردوس میں جگہ دے اور لواحقین کوصبر جمیل عطاکرے ۔
English Viewers
وڈیو