خطابات میں قانون نافذ کرنے والے اداروں کے بارے میں سخت جملوں کی ادائیگی پر ایم کیوایم کے قائد الطاف حسین کی معذرت
خطابات میں قانون نافذ کرنے والے اداروں کے بارے میں کچھ سخت جملے ادا کئے تھے جن سے ان اداروں کے بعض حکام کی دل آزاری ہوئی، اس پر میں ان سے معذرت خواہ ہوں۔ الطاف حسین
میرا مقصد کسی کی بھی دل آزاری کرنا نہیں تھا، میں قومی اداروں کا کل بھی احترام کرتا تھا ،آج بھی کر تا ہوں، الطاف حسین
لندن۔۔۔ 10 فروری 2015ء
متحدہ قومی موومنٹ کے قائدالطاف حسین نے اپنے ایک بیان میں کہاہے کہ گزشتہ دنوں میں نے چند خطابات میں قانون نافذ کرنے والے اداروں کے بعض افراد کے بارے میں کچھ سخت جملے اد ا کئے تھے جن سے ان اداروں اور ان کے بعض حکام کی دل آزاری ہوئی جس پر میں ان سے معذرت خواہ ہوں۔ جناب الطاف حسین نے کہا کہ میرا مقصد کسی کی بھی دل آزاری کرنا نہیں تھا پھر بھی میر ی بیان کر دہ باتوں سے جس کسی بھی ادارے کے کسی بھی فرد کی دل آزاری ہوئی ہے تو میں اس پر معذرت خواہ ہوں۔انہوں نے کہاکہ میں قومی اداروں کا کل بھی احترام کرتا تھا اور آج بھی کر تا ہوں۔