Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

الطاف حسین ایک شخصیت نہیں بلکہ کراچی سے کشمیر تک مظلوموں ، محروموں کا ٹھاٹھے مارتے سمندر کا نام ہے ، ڈاکٹر خالد مقبول صدیقی


الطاف حسین ایک شخصیت نہیں بلکہ کراچی سے کشمیر تک مظلوموں ، محروموں کا ٹھاٹھے مارتے سمندر کا نام ہے ، ڈاکٹر خالد مقبول صدیقی
 Posted on: 2/9/2015 1
الطاف حسین ایک شخصیت نہیں بلکہ کراچی سے کشمیر تک مظلوموں ، محروموں کا ٹھاٹھے مارتے سمندر کا نام ہے ، ڈاکٹر خالد مقبول صدیقی
جناب الطاف حسین نے کبھی ہمیں تشدد کی تعلیما ت نہیں دیں ہم اپنے مخالفین کی گالیوں کا جواب بھی گل پاشی سے دیتے ہیں 
10فروری کو جناب الطا ف حسین کے چاہنے والے ان سے محبت کے اظہارکیلئے کراچی میں عظیم الشان ریلی منعقد کریں گے
ملک کا شاید ہی کوئی سیاسی لیڈر اور جماعت ہوگی جس کے خلاف عمرا ن خان نے خراب زبان استعمال نہ کی ہو، سید حیدر عباس رضوی
خان لگانے سے کوئی پختون نہیں بن جاتا بلکہ پختون ایک غیرت مند اور قدیم تہذیب کی حامل قوم ہے ، گلفراز خان خٹک
حق پرست شہداء نے جانیں قربان کرکے جنا ب الطاف حسین سے اپنی محبت کا اظہار کیا ، عبد الحسیب 
عمران خان حادثاتی سیاسی لیڈر ہیں انہیں پاکستان کے آئین کی کوئی بنیادی شق بھی معلوم نہیں ہوگی، بیرسٹر محمد علی سیف
کراچی نے الیکشن میں تحریک انصاف کو مسترد کر دیا تو وہ ایم کیو ایم کے خلاف بیان دیکر اپنا دل بہلا رہے ہیں، خواجہ اظہار الحسن
ایم کیوایم ایک خاندان ہے جوجناب الطاف حسین کی قیادت میں پاکستان کے خلاف ہر سازش کو ناکام بنا دیں گے، میاں عتیق
آج پاکستان جس بحران کا شکار ہے اس کی ذمہ داری عمران خان اور اسکی جماعت پر عائد ہوتی ہے، ڈاکٹر صغیر احمد 
جناب الطاف حسین سے اظہار محبت کے لئے نائن زیرو پر جمع ہونیوالے لاکھوں کارکنوں سے ایم کیوا یم رہنماؤں کا خطاب 
کراچی ۔۔۔9فروری2015ء
متحد ہ قومی موومنٹ کی رابطہ کمیٹی کے جوائنٹ انچارج ڈاکٹر خالد مقبول صدیقی نے کہا ہے کہ جناب الطاف حسین نے کبھی اپنے کارکنان کوتشدد کی تعلیما ت نہیں دیں ہم اپنے مخالفین کی گالیوں کا جواب بھی گل پاشی اور گلدستوں سے کرتے ہیں ، 10فروری کو جناب الطا ف حسین کے چاہنے والے کراچی میں نائن زیرو سے قائد اعظم محمد علی جناح ؒ کے مزار تک عظیم الشان ریلی منعقد کرکے عمران خان اور اس جیسے تمام عناصر کو دکھا دیں گے کہ الطاف حسین ایک شخصیت نہیں بلکہ کراچی سے کشمور اور کشمور سے کشمیر تک مظلوموں ، محروموں کا ٹھاٹھے مارتا سمندر ہیں ۔ان خیالات کا اظہار انہوں نے پیر کی شب جناب الطاف حسین سے اظہار یکجہتی و محبت کیلئے نائن زیرو پر لاکھوں کی تعدا دمیں جمع ہونیوالے بچوں ، خواتین ، بزرگوں اور نوجوانوں سے اظہار خیا ل کر تے ہوئے کیا ۔ڈاکٹر خالد مقبول صدیقی نے کہا کہ تحریک انصاف کے سربراہ عمران خان کو عوام دکھا دیں گے کہ انہوں نے کس قوم کو للکارا ہے ۔انہوں نے کہا کہ جناب الطاف حسین ملک کے مظلوموں، محکموں اور غریب متوسط طبقے کیلئے امید کی آخری کرن ہیں اور ان کے چاہنے والے کل کی ریلی میں جناب الطاف حسین کے خلاف تما م سازشوں کا جواب دیں گے او ر اب وہ وقت دور نہیں جب مظلوم عوام جناب الطاف حسین کی سربراہی میں پاکستان کو قابض جاگیر داروں ، وڈیروں اور سرمایہ داروں سے نجات دلائیں گے ۔اس موقع پرسید حیدر عباس رضوی نے کہا کہ کروڑوں دلوں میں بسنے والے کروڑوں لوگو ں کے قائد کے خلاف زبان استعما ل کرکے عمران خان نے لوگوں کی دل آزاری کی ہے ۔انہوں نے کہا کہ ملک کا شاید ہی کوئی سیاسی لیڈر اور جماعت ہوگی جس کے خلاف عمرا ن خان نے خراب زبان استعمال نہ کی ہو۔انہوں نے کہا کہ کراچی پاکستان کا سب سے زیادہ تعلیم یافتہ شہر ہے اور ہم ایک تہذیب یافتہ قوم ہیں ہمارے قائد کا تعلق 120گز کے چھوٹے سے گھر سے ہے لیکن انکی شرافت اور اخلاق پاکستان کے تمام سیاسی قائدین سے زیادہبڑاہے۔رکن رابطہ کمیٹی گلفراز خان خٹک نے کہا کہ آج کا دن ہمارے لئے دکھ کا دن ہے اورآج قائد تحریک الطاف حسین کے لاکھوں چاہنے والے ، ایک درد سے گزر رہے ہیں انہوں نے کہا کہ خان لگانے سے کوئی پختون نہیں بن جاتا بلکہ پختون ایک غیرت مند اور قدیم تہذیب کی حامل قوم ہے ۔ انہوں نے کہا کہ جناب الطاف حسین جیسے لیڈر صدیوں میں پیدا ہوتے ہیں اور وہ ہمارے لئے اللہ کی نعمت ہیں ۔رکن رابطہ کمیٹی عبدالحسیب نے کہا کہ حق پرست شہداء نے جانیں قربان کرکے جناب الطاف حسین سے اپنی محبت کا اظہار کیا ۔انہوں نے کہا کہ جناب الطاف حسین نے 25سال کی عمر میں ملک کے غریب مظلوم اور تعلیم یافتہ طبقے کے حق کیلئے جدو جہد شروع کی تھی اور اسی جرم کی پاداش میں آغاز سے ایم کیوا یم کے خلاف سازشیں ہو رہی ہیں جو ہمیشہ ناکام ہوئی ہیں ۔ایم کیوایم خیبر پختونخوا کے صدر بیرسٹر محمد علی سیف نے کہا کہ عمران خان ایک حادثاتی سیاسی لیڈر ہیں جنہیں در حقیقت پاکستان کے آئین کی کوئی بنیادی شق بھی ٹھیک انداز میں معلوم نہیں ہوگی ۔انہوں نے کہا کہ خیبر پختونخوا کے عوام نے عمرا ن خان کو ووٹ دیا لیکن اس نے پختونوں کی خدمت کرنے کے بجائے پنجاب کی چار سیٹوں پر تمام عرصہ ضائع کردیا ۔صوبائی اسمبلی میں حق پرست ڈپٹی پارلیمانی لیڈر خواجہ اظہار الحسن نے کہا کہ عمرا ن خان نے ایک مرتبہ پھر سورج کو چراغ دیکھا نے کی جرأت کی ہے ۔انہوں نے کہا کہ عمرا ن خان نے کراچی میں تبدیلی کے دعوے کیے اور جب کراچی کے عوام نے 13مئی کے الیکشن میں انہیں مسترد کر دیا تو وہ ایم کیو ایم کے خلاف بیان بازیاں کرکے اپنا دل بہلا رہے ہیں ۔ انہوں نے کہا کہ عمرا ن خان یا انکی جماعت کے کسی رہنما نے سانحہ بلدیہ ٹاؤن فیکٹری کے متاثرین کی داد رسی نہیں کی۔ایم کیو ایم پنجاب کے صدر میاں عتیق نے کہا کہ جناب الطاف حسین سے عوام دلی محبت رکھتے ہیں اور وہ ان سے اظہار محبت کیلئے نائن زیرو پر جمع ہیں ۔انہوں نے کہا کہ ایم کیوایم ایک سیاسی جماعت نہیں بلکہ ایک خاندان کی مانند ہے اور یہ خاندان اپنے سربراہ جناب الطاف حسین کی قیادت میں پاکستان کے خلاف ہونیوالی ہر سازش کو ناکام بنا دیں گے ۔حق پرست رکن صوبائی اسمبلی ڈاکٹر صغیر احمد نے کہا کہ آج پاکستان جس بحران کا شکار ہے اورپاکستانیوں کے دل خون کے آنسو روہے ہیں اس کی ذمہ داری عمران خان اور اسکی جماعت پر عائد ہوتی ہے۔انہوں نے کہا کہ عمرا ن خان کی حکومت میں سانحہ بنوں جیل ہوا جس میں سیکڑوں دہشت گردوں کو فرار کراکر ملک کے کونے کونے میں بھیجا گیا اور اسکے ہی سبب سانحہ پشاور رونما ہوا،عمران خان سانحہ پشاور کے معصوم طالبعلموں کے اہل خانہ کو جواب دیں کہ انکے بچوں کا لہوکیوں بہا یا گیا ۔

12/3/2016 9:43:50 AM