ایم کیوایم وہ واحدجماعت ہے جو تاجروں اور صنعتکاروں کا دل سے احترام کرتی ہے،حق پرست اراکین اسمبلی

کراچی:۔۔۔30جنوری2015ء

حق پرست اراکین سندھ اسمبلی نے پاکستان تحریک انصاف کے سربراہ عمران خان نیازی کے بیان پرتبصرہ کرتے ہوئے کہاکہ ایم کیوایم وہ واحدجماعت ہے جوتاجروں اور صنعتکاروں کا دل سے احترام کرتی ہے اوریہی وجہ ہے کہ تاجروں اورصنعتکاروں پر آنے والے ہرمشکل اورکڑے وقت میں ایم کیوایم ہمیشہ ان کے ساتھ کھڑی رہی ہے ۔ انہوں نے کہاکہ عمران خان نیازی کویادہوناچاہئے کہ سانحہ بولٹن مارکیٹ سے لیکرسانحہ ٹمبرمارکیٹ تک اگرکسی جماعت نے کھل کرتاجروں کاساتھ دیاتووہ صرف اورصرف ایم کیو ایم ہے جس کااقرارخودتاجر حضرات مختلف اوقات میں میڈیاپرآکرکرتے رہے ہیں۔ انہوں نے کہاکہ ایم کیوایم کل بھی تاجروں کے ساتھ تھی ،آج بھی ہے اورآئندہ بھی تاجروں کے مسائل کے جائز حل کے لئے ان کاساتھ دیتی رہے گی۔حق پرست اراکین سندھ اسمبلی نے کہاکہ ایم کیوایم پرالزام لگانے سے پہلے عمران خان نیازی اپنی جماعت کے سیاہ کرتوتوں پر نظرڈالیں اور ایم کیوایم کی مذمت کرنے کے بجائے اگرپاکستان تحریک انصاف کے ان عہدیداران وکارکنان کی مذمت کرتے جوبلواسطہ یابلاواسطہ تاجروں اورصحافیوں پربہیمانہ تشددکے واقعات میں ملوث ہیں توبہترہوتا۔