پیپلز پارٹی فیڈرل کونسل کے ممبر اور سابق جنرل سیکرٹری ڈسٹرکٹ جیکب آباد نواز احمد پیچو نے اپنے ساتھیوں سمیت ایم کیو ایم میں شمولیت کا اعلان کردیا

کراچی۔۔۔31مارچ2013ء

پاکستان پیپلز پارٹی فیڈرل کونسل کے ممبر،سابقہ جنرل سیکرٹری ڈسٹرکٹ جیکب آباد اور سابق صدر ڈسٹرکٹ بار جیکب آباد نوازاحمد پیچو ایڈوکیٹ نے قائد تحریک جناب الطاف حسین کی 98فیصد مظلوم عوام کے حقوق کے حصول کی عملی جدوجہد سے متاثر ہوکر اپنے ساتھیوں کے ہمراہ متحدہ قومی موومنٹ میں شمولیت کا اعلان کیا ہے۔ایم کیو ایم میں شمو لیت کا اعلان انہوں نے ایم کیو ایم کے مرکز نائن زیرو سے متصل خورشید بیگم سیکر ٹریٹ عزیز آبادمیں ایم کیو ایم رابطہ کمیٹی کے رکن کنور خالد یونس اور رہنماء عامر خان سے ملاقات کے دوران کیا۔اس موقع پر سینٹرل ایگزیکٹو کونسل کے ممبر سردار نبیل گبول،کراچی مظافاتی آرگنائزنگ کمیٹی کے انچارج فرخ اعظم و اراکین کمیٹی اور سندھ تنظیمی کمیٹی کے ارکان بھی موجود تھے۔احمد نواز پیچو نے اپنے جذبات کا اظہا رکرتے ہوئے کہا کہ جناب الطاف حسین نے ہمیشہ سندھ سمیت پاکستان کی بہتری اور کسی بھی مظلوم و محروم کے ساتھ ہونے والی زیادتی پر سب سے پہلے آواز بلند کی ہے اور یہی وجہ ہے کہ ہم نے بحیثیت کارکن ایم کیو ایم میں شمولیت اختیار کی ہے ۔ملاقات میں رکن رابطہ کمیٹی کنور خالد یونس اور رہنماء ایم کیو ایم عامر خان نے احمد نواز پیچو کی ایم کیو ایم میں شمولیت کا دل کی گہرائیوں سے خیر مقدم کیا اور انہیں قائد تحریک کی جانب سے مبارکباد پیش کی۔انہوں نے کہا کہ قائد تحریک جنا ب الطاف حسین کا فکر و فلسفہ پاکستان کی بہتری ،خوشحالی اور قائد اعظم محمدعلی جناح کے پاکستان کے درخشاں مستقبل کا ضامن ثابت ہوگااور یہی وجہ ہے کہ ملک بھر کے مظلوم عوام ایم کیو ایم کے پرچم تلے جمع ہورہے ہیں اورحق پرستی کی جدو جہد کا عملی طور پر حصہ بن رہے ہیں۔