نجم سیٹھی کو نگراں وزیراعلیٰ پنجاب بننے پر جناب الطاف حسین کی مبارکباد
نگراں وزیراعلیٰ پنجاب نجم سیٹھی نے جناب الطاف حسین کا شکریہ ادا کرتے ہوئے کہا کہ وہ پنجاب میں غیر جانبدار اور شفاف الیکشن کے انعقاد کیلئے اپنی تمام صلاحیتوں کا استعمال کریں گے
پنجاب میں شفاف الیکشن میری اولین ترجیح ہوگی ،نجم سیٹھی
پورے ملک سمیت پنجاب میں غیر جانبدار اور شفاف الیکشن وقت کی ضرورت ہے ، الطاف حسین
لندن۔۔۔۔27، مارچ2013ء
متحدہ قومی موومنٹ کے قائد جناب الطاف حسین نے معروف صحافی و تجزیہ نگار نجم سیٹھی سے ٹیلی فون پر گفتگو کی اور انہیں صوبہ پنجاب کا نگراں وزیراعلیٰ بننے پر دلی مبارکباد پیش کی ۔ جناب الطاف حسین نے نجم سیٹھی سے گفتگو کرتے ہوئے کہا کہ پورے ملک سمیت پنجاب میں غیر جانبدار اور شفاف الیکشن وقت کی ضرورت ہے اور شفاف الیکشن کے ذریعے ہی ملک و قوم کی خدمت کاجذبہ رکھنے والے افراد کو پارلیمنٹ میں لایا جاسکتا ہے ۔ نجم سیٹھی نے نگراں وزیراعلیٰ پنجاب بننے پر جناب الطاف حسین کی مبارکباد پر ان کا شکریہ ادا کیا اور کہا کہ صوبہ پنجاب میں غیر جانبدار الیکشن کرانا ان کی اولین ترجیح ہوگی اور شفاف الیکشن کے انعقاد کیلئے وہ اپنی تمام صلاحیتوں کا استعمال کریں گے ۔