سابق وزیر اعظم راجہ پرویز اشرف کا ایم کیوایم کے قائد الطاف حسین کو ٹیلی فون

لندن۔25مارچ2013ء

سابق وزیراعظم راجہ پرویز اشرف نے پیر کی دوپہر لندن فون کرکے ایم کیوایم کے قائد جناب الطاف حسین سے بات کی اور جمہوری حکومت کے پانچ سال کی تکمیل میں ایم کیوایم اور جناب الطاف حسین کے تعاون پران کا شکریہ ادا کیا۔راجہ پرویز اشرف نے جناب الطاف حسین سے کہا کہ آپ میں زبردست قوت فیصلہ ہے جو جمہوری عمل کو جاری رکھنے میں انتہائی مددگار رہی۔ بلوچستان کی صورتحال سمیت دیگر مواقع پر جس طرح آپ نے رہنمائی کی اور رتعاون کامظاہرہ کیا اس میں انہیں بڑی تقویت ملی۔ انہوں نے جناب الطاف حسین سے کہا کہ آپ جیسے رہنماء ملک وقوم کا سرمایہ ہیں جس کا میں برملا اظہار کرتا ہوں اور دعاگو ہوں کہ اللہ تعالیٰ آپ کو اپنی حفظ و امان میں رکھے۔ جناب الطاف حسین نے راجہ پرویز اشرف سے کہا کہ اللہ تعالیٰ آپ کو ملک کی بہتری اور عوام کی فلاح وبہبود کیلئے صلاحیتیں استعمال کرنے کا موقع عطا کرے۔