Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

اورنگی ٹاؤن میں نامعلوم افراد کی انسداد پولیو ٹیم پر فائرنگ کے واقعہ پر جناب الطاف حسین کاظہار مذمت


اورنگی ٹاؤن میں نامعلوم افراد کی انسداد پولیو ٹیم پر فائرنگ کے واقعہ پر جناب الطاف حسین کاظہار مذمت
 Posted on: 1/19/2015
اورنگی ٹاؤن میں نامعلوم افراد کی انسداد پولیو ٹیم پر فائرنگ کے واقعہ پر جناب الطاف حسین کاظہار مذمت 
انسداد پولیو ٹیم پر حملہ میں ملوث سفاک دہشت گرد بچوں کو پولیو جیسے موذی مرض میں مبتلا کرکے ملک کے معماروں کو 
معذور اور ان کے مستقبل کو تاریک کرنا چاہتے ہیں ، الطاف حسین 
کراچی میں پولیو ٹیم پر اس سے قبل بھی فائرنگ کے کئی واقعات ہوچکے ہیں لیکن کوئی بھی سفاک دہشت گرد قانون 
کی گرفت میں نہیں لیا گیا ، الطاف حسین 
حکومت اور انتظامیہ ہاتھ پر ہاتھ دھرے بیٹھے ہیں ، لوگوں کی جان مال کا تحفظ تو کجا بچوں کو پولیو جیسے موذی مرض سے بچاؤکیلئے سرگرم انسداد پولیو کی ٹیموں کے تحفظ کیلئے بھی نااہلی اور مجرمانہ غفلت کا مظاہرہ افسوسناک ہے ، الطاف حسین 
شہر میں انسداد پولیو ٹیموں پر حملوں میں ملوث سفاک دہشت گردوں کو فی الفور گرفتار کرکے قرار واقعی سزا دی جائے، الطاف حسین 
پولیو ٹیم پر حملے کے واقعہ میں اے ایس آئی تبسم کی شہادت پر جناب الطاف حسین کااظہار افسوس ، سوگوار لواحقین سے دلی تعزیت 
لندن۔۔۔19، جنوری 2015ء 
متحدہ قومی موومنٹ کے قائد جناب الطا ف حسین نے اورنگی ٹاؤن میں نامعلوم افراد کی جانب سے انسداد پولیو ٹیم پر فائرنگ کے واقعہ کی سخت ترین الفاظ میں مذمت کی ہے اور فائرنگ کے نتیجے میں اے ایس آئی تبسم کی شہادت پر گہرے دکھ اور افسوس کااظہار کیا ہے ۔ ایک بیان میں انہوں نے کہاکہ کراچی میں پولیو ٹیم پر اس سے قبل بھی فائرنگ کے کئی واقعات ہوچکے ہیں لیکن اس کے باوجود فائرنگ میں ملوث کوئی بھی سفاک دہشت گرد قانون کی گرفت میں نہیں لیا جاسکا ہے جس کی جتنی بھی مذمت کی جائے کم ہے ۔انہوں نے کہاکہ حکومت سندھ شہریوں کی جان ومال کے تحفظ میں مکمل طور پرناکام ہوچکی ہے اور انسداد پولیو ٹیم پر حملہ اور اے ایس آئی تبسم کی شہادت کا ایک اور واقعہ اس بات کا ثبوت ہے کہ حکومت اور انتظامیہ ہاتھ پر ہاتھ دھرے بیٹھے ہیں اور لوگوں کی جان مال کا تحفظ تو کجا بچوں کو پولیو جیسے موذی مرض سے بچاؤ کیلئے سرگرم انسداد پولیو کی ٹیموں کے تحفظ کیلئے بھی نااہلی اور مجرمانہ غفلت کے مظاہرے کے سواکوئی مثبت اقدامات نہیں اٹھا رہی ہے ۔ انہوں نے کہاکہ انسداد پولیو ٹیم پر حملہ میں ملوث سفاک دہشت گرد بچوں کو پولیو جیسے موذی مرض میں مبتلا کرکے ملک کے معماروں کو معذور اوراور ان کے مستقبل کو تاریک کرنا چاہتے ہیں ۔انہوں نے اے ایس آئی تبسم کے سوگوار لواحقین سے دلی تعزیت وہمدردی کااظہار کرتے ہوئے دعا کی کہ اللہ تعالیٰ شہید کو جنت الفردوس میں اعلیٰ مقام عطا فرمائے اور سوگواران کو صبرجمیل عطا کرے ۔ جناب الطاف حسین نے وزیراعظم نواز شریف اور وفاقی وزیر داخلہ چوہدری نثار علی خان سے مطالبہ کیا کہ کراچی کے علاقے اورنگی ٹاؤن میں انسداد پولیو ٹیم پر فائرنگ کے واقعہ کا سختی سے نوٹس لیاجائے اور شہر میں انسداد پولیو ٹیموں پر حملوں میں ملوث سفاک دہشت گردوں کو فی الفور گرفتار کرکے قرار واقعی سزا دی جائے ۔
English Viewers

12/10/2016 1:00:58 AM