عوام بالخصوص مخیر حضرات ملک میں غریب و متوسط طبقہ کی حکمرانی کے قیام کیلئے ایم کیوایم سے بھر پور مالی تعاؤن کریں ، الطاف حسین کی اپیل

لندن ۔۔21مارچ 2013ء 

متحدہ قومی موومنٹ کے قائد جناب الطاف حسین نے ملک بھر کے عوام بالخصوص مخیر حضرات سے پرو زر اپیل کی ہے کہ وہ ایم کیوایم سے بھر پور مالی تعاون کر یں ۔ایک بیان میں جناب الطاف حسین نے کہا کہ ایم کیوایم ایک غریب جماعت ہے جسکی پشت پناہی پر کوئی جا گیر دار یاوڈیرہ نہیں ہے اور ایم کیوایم اپنے تمام سیا سی و تنظیمی اخراجات عوامی عطیات اور چندوں سے پور ے کرتی ہے ۔ انہوں نے کہا کہ آئندہ انتخابات میں ایم کیوایم پاکستان بھر سے حصہ لے گی اور ہر حلقہ سے اپنے امیدوار کھڑے کرے گی انتخابی اخراجات کے سلسلے میں ایم کیوایم کو شدید مالی مشکلات کا سامنا ہے ۔ جناب الطاف حسین نے حق پرست عوام بالخصوص مخیر حضرات سے پر زور اپیل کی کہ وہ ملک میں غریب و متوسط طبقہ کی حکمرانی کے قیام کیلئے ایم کیوایم کے ہاتھ مضبوط کریں اور ایم کیوایم سے بھر پور مالی تعاؤن کریں ۔