ایم کیوایم گلشن اقبال سیکٹر کے کارکن فرحان خلیل شہید کے جنازے پر جرائم پیشہ عناصر کی فائرنگ پر رابطہ کمیٹی اظہار مذمت
دہشت گردی کا یہ واقعہ المناک اور افسوسناک ہے۔ رابطہ کمیٹی ایم کیوایم
فرحان خلیل شہید کے جنازے پر جرائم پیشہ عناصر کی فائرنگ کے نتیجے میں کارکنان کے زخمی ہونے کا نوٹس لیا جائے
کراچی ۔۔۔20، مارچ2013ء
متحدہ قومی موومنٹ کی رابطہ کمیٹی نے جرائم پیشہ عناصر کی ایم کیوایم گلشن اقبال سیکٹر یونٹ 66-Cکے جوائنٹ یونٹ انچارج فرحان خلیل شہید کے جنازے پر فائرنگ کی سخت ترین الفاظ میں مذمت کی ہے اورفائرنگ میں ملوث جرائم پیشہ عناصر کو انسانیت کا کھلا دشمن قرار دیا ہے ۔ ایک بیان میں رابطہ کمیٹی نے کہاکہ جرائم پیشہ عناصر نما ز جنازہ اور جلوس جنازہ کا احترام تو کجا بلکہ یہ جرائم پیشہ عناصر انسانیت کے عاری اور شہر کے امن اور ملک کے استحکام کے کھلے دشمن ہیں ۔رابطہ کمیٹی فرحان خلیل شہید کے جنازے پر فائرنگ کے نتیجے میں زخمی ہونے والے ایم کیو ایم کے کارکنان کی جلد و مکمل صحتیابی کیلئے دعا بھی کی۔ ۔ رابطہ کمیٹی نے صدر مملکت آصف علی زرداری ، وزیراعظم راجہ پرویز اشف ، گورنر سندھ ڈاکٹر عشرت العباد سے مطالبہ کیا کہ فرحان خلیل شہید کے جنازے پر جرائم پیشہ عناصر کی فائرنگ اور اس کے نتیجے میں ایم کیو ایم کے کارکنان و دیگر کے زخمی ہونے کا سختی سے نوٹس لیاجائے۔