نامعلوم دہشت گردوں کی فائرنگ سے ڈاکٹر محمد فاروق شیخ کے بہیمانہ قتل پر جناب الطاف حسین کااظہار مذمت

لندن۔۔۔18، جنوری 2015ء 

متحدہ قومی موومنٹ کے قائد جناب الطاف حسین نے نامعلوم دہشت گردوں کی فائرنگ سے ڈاکٹر محمد فاروق شیخ کو اپنے کلینک سے واپس آتے ہوئے بیدردی سے شہید کرنے پر گہرے دکھ اور افسوس کااظہار کیا ہے ۔ ایک بیان میں انہوں نے ڈاکٹر محمد فاروق شیخ کو بیدردی سے قتل کرنے کے واقعہ کی شدید الفاظ میں مذمت کی اور مقامی انتظامیہ اور پولیس سے مطالبہ کیا کہ وہ قاتلوں کو فی الفور گرفتار کریں اور قاتل دہشت گردوں کو قانون کے مطابق سخت سے سخت سزا دلوائیں ۔ جناب الطاف حسین نے ڈاکٹر محمد فاروق شیخ کے سوگوار لواحقین سے دلی تعزیت وہمدردی اظہار کیا اور دعا کی کہ اللہ تعالیٰ سوگوار لواحقین کو صبرجمیل عطا فرمائے اور ڈاکٹر محمد فاروق شیخ کو جنت الفردوس میں اعلیٰ مقام عطا کرے ۔ (آمین ثمہ آمین)