ایم کیوایم کے قائدجناب الطاف حسین کی نظم ’’آرمی پبلک اسکول پشاورکے معصوم شہیدوں کی پکار‘‘سانحہ پشاورکی ترجمانی ہے اورماؤں کے دلوں کی آوازہے،علمائے کرام کااظہارخیال

کراچی:۔۔۔

متحدہ قومی موومنٹ کے قائدجناب الطاف حسین نے 16دسمبر2014ء کوپشاورکے آرمی پبلک اسکول میں درندہ صفت دہشت گردوں کی دہشت گردی کانشانہ بننے والے معصوم بچوں،اساتذاکرام کی شہادت کوایک ماہ مکمل ہونے پر16،جنوری2015ء کو’’آرمی پبلک اسکول پشاورکے معصوم شہیدوں کی پکار‘‘لکھی گئی اپنی نظم ہفتے کی شام ایم کیوایم کے زیر اہتمام لال قلعہ گراؤنڈعزیزآبادمیں’’دنیاکی بدلتی صورتحال اوراتفاق بین المذاہب‘‘کے عنوان سے مکالمے میں علمائے کرام ،اینکرپرسن،دانشور،کالم نگار،تجزیہ نگار اورمختلف مذاہب کے ماننے والے شرکاء کوپڑھ کرسنائی۔انہوں نے کہاکہ میں نہ توشاعرہوں نہ ادیب ہوں۔اس موقع پرمکالمے میں شریک علمائے کرام کی آنکھیں نم ہوگئی اورانہوں نے اظہارخیال کرتے ہوئے جناب الطاف حسین کی جانب سے سانحہ پشاورمیں شہیدہونیوالے معصوم بچوں اورمظلوم مسلمانوں کی ترجمانی کرنے پران کی تعریف کی اورکہاکہ جناب الطاف حسین کی نظم غمزدہ ماؤں کے دلوں کی آوازہے ۔اس موقع پرفضاء سبحان اللہ سبحان اللہ اوراللہ اور اکبر۔۔۔اللہ اکبرکی صدائیں سے گونج اٹھی جس کاسلسلہ کافی دیرتک جاری رہا۔قبل ازیں ایم کیوایم شعبہ اطلاعات کی جانب سے جناب الطاف حسین کی نظم کی فوٹوکاپیاں بھی شرکاء میں تقسیم کی گئی۔