کراچی کے علاقے لانڈھی اولڈ مظفر آباد کالونی میں بم دھماکہ پر جناب الطاف حسین کا اظہار مذمت

لندن۔۔۔۔15مارچ 2013ء

متحدہ قومی موومنٹ کے قائد جناب الطاف حسین نے کراچی علاقے لانڈھی اولڈ مظفر آباد کالونی میں بم دھماکہ کی سخت ترین الفاظ میں مذمت کی ہے اور اس کے نتیجے میں متعدد افراد کے جاں بحق وزخمی ہونے پر افسوس کا اظہار کیا ہے ۔ ایک بیان میں جناب الطاف حسین نے کہاکہ دہشت گردعناصرملک کوغیرمستحکم کرنے کے سوچے سمجھے منصوبے کے تحت کراچی کے معصوم شہریوں اوراہم شخصیات کودہشت گردی کانشانہ بنارہے ہیں تاکہ ملک کوغیرمستحکم کیا جاسکے۔ جناب الطاف حسین نے کہاکہ بم دھماکے کرنے والے سفاک دہشت گرد اور انسانیت کے کھلے دشمن ہیں۔جناب الطاف حسین نے دھماکہ میں جاں بحق ہونے والے افرادتمام سوگوارلواحقین سے دلی تعزیت وہمدردی کااظہارکرتے ہوئے انہیں صبرکی تلقین کی۔جناب الطاف حسین نے صدر آصف علی زرداری ، وزیر اعظم راجہ پرویز اشرف ، وفاقی وزیر داخلہ رحمن ملک ، گور نر سندھ ڈاکٹر عشرت العباد اور وزیر اعلیٰ سندھ سید قائم علی شاہ سے مطالبہ کیا ہے کہ کراچی کے علاقے لانڈھی میں اولڈ مظفرآؓباد کالونی میں بم دھماکہ کافی الفورنوٹس لیاجائے اورشہریوں کی جان ومال کے تحفظ کے لئے ٹھوس و مثبت اقدامات بروئے کار لائے جائے ۔