دہشت گردی کے خلاف جنگ میں قیمتی جانوں کے نذرانے پیش کرنے والے قومی ہیرو ہیں، الطاف حسین

لندن۔۔۔6،جنوری2015ء

متحدہ قومی موومنٹ کے قائد جناب الطاف حسین نے کہاہے کہ ملک مذہبی انتہاء پسندی اور دہشت گردی کے خاتمہ کیلئے اعتزازحسن شہید کی طرح پوری قوم کو عزم اور حوصلے کا مظاہرہ کرنا ہوگا۔ ایک بیان میں جناب الطاف حسین نے صوبہ خیبرپختوانخوا کے علاقے ہنگو سے تعلق رکھنے والے نوجوان طالب علم اعتزاز حسن شہید کی پہلی برسی کے موقع پر شہید کو زبردست خراج عقیدت پیش کرتے ہوئے کہاکہ اعتزاز حسن شہید نے اپنی جان داؤ پر لگاکر خودکش حملہ ناکام بنایا ، جام شہادت نوش کرلیا لیکن اپنے اسکول کے سینکڑوں طالبعلموں کی زندگی بچالی ۔جناب الطاف حسین نے کہاکہ آج پوری قوم مذہبی انتہاء پسندوں اور فرقہ وارانہ فسادکرانے والوں کے خلاف متحد ومنظم ہے تاہم پاکستان سے مذہبی منافرت اور فرقہ واریت کے خاتمہ کیلئے ضروری ہے کہ قوم کا ہرفرد اعتزاز حسن شہید کی طرح عزم وحوصلے اور ہمت وجرات کا مظاہرہ کرے ۔ جناب الطاف حسین نے اعتزاز حسن شہید کو زبردست خراج عقید ت پیش کرتے ہوئے کہاکہ دہشت گردی کے خلاف جنگ میں قیمتی جانوں کے نذرانے پیش کرنے والے قومی ہیرو ہیں اور ان شہداء کی قربانیاں کبھی فراموش نہیں کی جائیں گی۔
English Viewers