جماعت اسلامی کے رہنما اور سابق ٹاؤن ناظم پرویز محمود کے قتل کی تحقیقات کرائی جائے ۔متحدہ آرگنائزنگ کمیٹی

کراچی ۔۔۔ 5 مارچ 2013ء

متحدہ آرگنائزنگ کمیٹی کے ارکان نے کہاہے کہ جماعت اسلامی کے رہنمااورسابق ٹاؤن ناظم پرویزمحمودکے قتل کی تحقیقات کرائی جائے ۔ اپنے ایک بیان میں آرگنائزنگ کمیٹی کے ارکان نے کہاکہ یہ بات کسی سے ڈھکی چھپی نہیں کہ پرویزمحمود کے جماعت اسلامی کی مرکزی قیاد ت سے سخت اختلافات چل رہے تھے جس کے باعث انہیں تمام عہدوں سے ہٹادیاگیاتھا۔آرگنائزنگ کمیٹی کے ارکان نے کہاکہ جماعت اسلامی کے ذمہ داران وکارکنان اپنی قیاد ت سے مطالبہ کریں کہ وہ پرویزمحمود کے قتل کی تحقیقات منظرعام پرلائیں اوراگروہ تحقیقات سامنے نہیں لاتے تووہ خوداس امرکی تحقیقات کریں کہ پرویزمحمودکی موت کے پیچھے کونسے عوامل کارفرماتھے،ان کاقتل ایک حادثہ تھایاانہیں ایک سازش کے تحت جماعت اسلا می کے تھنڈراسکواڈکے ذریعے قتل کرایاگیا۔