ایم کیوایم لیبر ڈویژن کے 26ویں’’سالانہ لیبر کنونشن ‘‘کے پرمسرت موقع پرکراچی میٹروپولیٹن کارپوریشن یونٹ کے ذمہ داران وکارکنان کی جانب سے خدمت خلق فاؤنڈیشن بلڈبینک میں خون کے عطیات دئیے

کراچی ۔۔۔25، فروری 2013ء 

ایم کیوایم لیبر ڈویژن کے 26ویں سالانہ لیبر کنونشن کے پرمسرت موقع پرکراچی میٹروپولیٹن کارپوریشن یونٹ کے ذمہ داران وکارکنان کی جانب سے خدمت خلق فاؤنڈیشن کے بلڈبینک کے لیے خون کے عطیات دیے گئے۔ اس موقع پر لیبرڈویژن پاکستان کے جوائنٹ انچارجز اور لیبر ڈویژن کی سینٹرل کو آرڈی نیشن کمیٹی کے اراکین بھی موجود تھے ۔ 

 

کراچی ۔۔۔26، فروری 2013ء 

متحدہ قومی موومنٹ کی رابطہ کمیٹی نے سینئر صحافی اور ایسوسی ایٹڈ پریس آف پاکستان (اے پی پی ) کے چیف رپورٹر خوشنود علی شیخ کے ٹریفک حادثہ میں جاں بحق ہونے پر گہرے دکھ اور افسوس کااظہار کیا ہے ۔ ایک تعزیتی بیان میں رابطہ کمیٹی نے مرحوم کے سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور سوگواران کوصبرجمیل عطا کرے۔ (آمین)

 

کراچی ۔۔۔26، فروری 2013ء 

متحدہ قومی موومنٹ کے حق پرست رکن قومی اسمبلی منوہرلعل اور سینٹرل ایگزیکیٹوکونسل کے رکن سنجے پروانی نے مطالبہ کیاہے کہ صوبہ سندھ میں مقیم ہندو خواتین خصوصاًنوجوان لڑکیوں سمیت تمام اقلیتی برادری کومکمل تحفظ فراہم کیاجائے اورانہیں مذہب تبدیل کرنے کیلئے اغواء کرکے زبردستی شادی کرنے کاغیرقانونی وغیراخلاقی عمل فی الفور بندکرایا جائے ۔اپنے مشترکہ بیان میں انہوں نے کہاکہ پاکستان آزادریاست ہے جہاںآئین وقانون تمام مذاہب ،فرقہوں اورمسالک سے تعلق رکھنے والے پاکستانی عوام پوری آزادی سے زندگی گذرنے کے حق فراہم کرتاہے تاہم اندرون سندھ ہندوخواتین اورلڑکیوں کواغواء کرکے زبردستی مذہب تبدیلی کروانے کیلئے شادیوں کاسلسلہ غیر آئینی و غیر قانونی،غیرجمہوری اور غیر اخلاقی عمل ہے جس کی جتنی بھی مذمت کی جائے کم ہے۔انہوں نے کہاکہ اقلیتی برادری پاکستان کی بیک بون ہے ،صوبہ سندھ خصوصاًدیہی علاقوں میں ہندوخواتین خصوصاًنوجوان لڑکیوں کواغواء کرکے مذہب تبدیل کرنے کاعمل جاری ہے جس کے باعث اقلیتی ہندو برادری میں شدیدغم وغصہ اوربے چینی پائی جارہی ہے اوروہ عدم تحفظ کاشکارہوکر احتجاج پرمجبورہیں۔انہوں نے کہاکہ اس سے قبل ہندوبرادری سے تعلق رکھنے والے متعددخاندان لڑکیوں کے اغواء اوران سے زبردستی شادی کرکے مذہب تبدیل کرنے عمل سے شدیدمایوسی کاشکارہوکرسندھ سے ہجرت کرچکے ہیں جوملک بھرخصوصاًسندھ کے عوام کیلئے لمحہ فکریہ ہے۔انہوں نے کہاکہ ہندو برادری کے احتجاج کے باوجود متعلقہ تھانوں کی پولیس وانتظامیہ ہندوخواتین اورلڑکیوں کوتحفظ فراہم کرنے میں نہ صرف ناکام ہے بلکہ اغواء کاروں کے خلاف رپورٹ تک درج کرنے سے قاصرہے جس سے ثبوت ہوتا ہے کہ اغواء کاروں کوپولیس وانتظامیہ کامکمل سپورٹ حاصل ہے۔منوہرلعل اورسنجے پروانی نے ہندوویلفیئرپنچائیت پاکستان کے احتجاجی مظاہروں کی قائدجناب الطاف حسین اورایم کیوایم کی جانب سے مکمل حمایت کرتے ہوئے ہرممکن تعاون کایقین دلایااورمطالبہ کیاکہ اندرون سندھ ہندو برادری خصوصاًنوجوان لڑکیوں کواغواء کرکے زبردستی مذہب تبدیل کرنے اورشادی کرنے نوٹس لیتے ہوئے اقلیتی برادری کوہرممکن تحفظ فراہم کیاجائے اور اقلیتی برادری کیلئے سندھ کے تھانوں میں مانیٹری کیلئے علیحدہ کمپلین سیل بنایاجائے۔

 

کراچی ۔۔۔26، فروری 2013ء 

متحدہ قومی موومنٹ کی رابطہ کمیٹی نے اپنے ایک بیان میں کہا ہے کہ کہ ندیم زیدی نامی شخص نہ ایم کیوایم کا سیکٹر انچارج ہے نہ ہی ا یم کیوایم کا اس سے کو ئی تعلق ہے ۔