ایم کیوایم کی قیادت اورگورنرسندھ ڈاکٹرعشرت العبادمیں اختلافات کے بار ے میں بیہودہ اورشرانگیزباتیں سراسرمن گھڑت،بے بنیاداورسفید جھوٹ ہیں جن کاحقیقت سے قطعی کوئی تعلق نہیں ہے ۔رابطہ کمیٹی

Posted on: 2/26/2013

کراچی ۔۔۔ 25 فروری 2013ء
متحدہ قومی موومنٹ کی رابطہ کمیٹی نے ایک نجی ٹی وی پرپیرکونشرہونے والے ایک تجزیاتی پروگرام میں دیئے جانے والے اس تاثرکوقطعی طورپر من گھڑت،بے بنیاد اورگمراہ کن قراردیاہے جس کے مطابق گورنرسندھ ڈاکٹرعشرت العبادکے استعفے کے بارے میں گورنرسندھ اورایم کیوایم کی قیادت میں شدیداختلافات پائے جاتے ہیں۔رابطہ کمیٹی نے کہاکہ گزشتہ دنوں ایم کیوایم اورپیپلزپارٹی کے مابین سیاسی اختلافات کو بعض عناصر ایک ایسارخ دے رہے ہیں اورکارکنان وعوام میں وسوسے اورگمراہی پھیلانے کیلئے یہ شرانگیز تاثردے رہے ہیں کہ قائدتحریک الطاف حسین اب ڈاکٹرعشرت العبادکوکسی بھی صورت میں گورنر کے عہدے پر دیکھنانہیں چاہتے۔ رابطہ کمیٹی نے کہاکہ یہ بیہودہ اورشرانگیزباتیں ایم کیوایم کے خلاف ڈس انفارمیشن مہم کاحصہ ہیں جوسراسرمن گھڑت، بے بنیاداورسفید جھوٹ ہیں جن کاحقیقت سے قطعی کوئی تعلق نہیں ہے ، یہ بے بنیاداورجھوٹی باتیں ایم کیوایم کی صفوں میں انتشارپھیلانے کی سنگین کوشش ہیں۔مذکورہ تجزیہ سراسر بددیانتی کی سنگین ترین مثال ہے اوراس گمراہ کن پروپیگنڈے کااصل مقصد عوام کی توجہ اصل عوامی مسائل سے ہٹانااور عوام میں شکوک وشبہات پیداکرناہے۔رابطہ کمیٹی نے واضح الفاظ میں کہاکہ قائدتحریک الطاف حسین اورایم کیوایم کی پوری قیادت کاگورنرسندھ ڈاکٹرعشرت العباد پرجواعتماد کل تھا وہی آج بھی ہے اوران خبروں میں قطعی کوئی صداقت نہیں ہے کہ قائدتحریک الطاف حسین ڈاکٹرعشرت العبادکوان کے عہدے سے ہٹانا چاہتے ہیں۔ رابطہ کمیٹی نے واضح کیاکہ ایم کیوایم ایک جمہوریت پسندجماعت ہے اوراس میں ہونے والے تمام سیاسی فیصلے اجتماعی طورپرہونے والے مباحثے کے بعد عوام میں لائے جاتے ہیں ۔جہاں تک ڈاکٹرعشرت العبادکے استعفے کا تعلق ہے تواس سے متعلق انہوں نے جوبھی فیصلہ کیاہے وہ اپنے ضمیر کے مطابق کیاہے۔رابطہ کمیٹی نے کارکنان وعوام سے کہاکہ وہ اپنی صفوں میں انتشارپھیلانے کی سازشوں سے ہوشیاررہیں اوران سازشوں کا شکار ہرگزہرگز نہ ہوں۔

6/24/2017 12:08:13 PM

ایم کیوایم کے بانی وقائد الطاف حسین کی خالہ مرحومہ زلیخا بیگم کوسخی حس... 23 Jun 2017	کوئٹہ ، پاراچناراورکراچی میں دہشت گردی کے واقعات نے پورے ملک کوہلاکررک... 23 Jun 2017
رکن الدین تاج کو متحدہ قومی موومنٹ کی رابطہ کمیٹی میں شامل کر لیا گیا ... 23 Jun 2017	ضمانت پر رہائی کے باوجود جیل کے احاطے سے ایم کیوایم حیدرآباد کے دو کار... 22 Jun 2017
بابائے مہاجرقوم جناب الطاف حسین کی سگی خالہ محترمہ زلیخا بیگم انتقال ک... 22 Jun 2017	قائد تحریک الطاف حسین کی سگی خالہ محترمہ زلیخا بیگم کے انتقال پر کنوین... 22 Jun 2017
اسٹیبلشمنٹ اوروڈیروں جاگیرداروں کاگٹھ جوڑ ہے جوغریب ومتوسط طبقہ کی قیا... 21 Jun 2017	ساؤتھ افریقہ سے باسط علی اورامریکہ سے محترمہ کہکشا ں لکھنوی کو ایم کیو... 20 Jun 2017
ایم کیوایم بیلجئم کے زیراہتمام 19جون 1992ء کے شہداء کی 25 ویں برسی منا... 20 Jun 2017	اگرایم کیوایم کے خلاف جاری ریاستی آپریشن بند نہ کیاگیاتوایم کیوایم آئن... 20 Jun 2017