ایم کیوایم کے زیر اہتمام جامع حفصہ اور لال مسجد کے خطیب ملا عبد العزیزکے خلاف احتجاجی مظاہرہ

متحدہ قومی موومنٹ کے زیر اہتمام لال مسجد کے خطیب منافق مولانا عبد العزیز کے خلاف کراچی پریس کلب پر عظیم الشان احتجاجی مظاہرہ کیا گیا جس میں سینکڑوں کی تعدا د میں کارکنان و عوام نے شرکت کی ۔ اس موقع پر ایم کیوا یم کی جانب سے پریس کلب کے سامنے موجود سڑک پر ہزاروں افرادکے لئے اانتظام کیا گیا تھا،احتجاجی مظاہرے میں ایم کیو ایم رابطہ کمیٹی کے انچارج قمر منصور ،اراکین رابطہ کمیٹی غاز ی صلاح الدین ،کہف الوریٰ، عارف خان ایڈوکیٹ ، ڈاکٹر نصر ت شوکت ،اسلم آفریدی ،ڈاکٹر خالد مقبول صدیقی، عامر خان ، سید حیدر عباس رضوی ، گلفراز خا ن خٹک حق پرست اراکین سینیٹ، قومی و صوبائی اسمبلی ،علما ء کرام و مشائخ عظام ،صدر سنی علماء یوتھ ونگ عمر فاروق قادری ، صدر سنی اتحاد کو نسل علامہ اشرف گورمانی ، علامہ مفتی غلام مرتضیٰ سہروردی ،علامہ قاری محمد صدیق، علامہ قاری غلام سبحانی ، علامہ قاری محمد ثاقب صدیقی ، علامہ قاری ابو بکر گورمانی و دیگر علما ء کرام،نوجوانوں ، خواتین ، بچوں ، بزرگوں ،ادیبوں ، سو ل سوسائٹی کے نمائندگان ، صحافیوں ، ایم کیو ایم کے تنظیمی شعبہ جات کے مرکزی و علاقائی ذمہ داران سمیت مختلف شعبہ ہائے زندگی سے تعلق رکھنے والی مشہور و معروف شخصیات ، کارکنان اور حق پرست عوام نے بڑی تعداد میں شرکت کی۔اس موقع پرمظاہرین کے سامنے نصب بڑے اسکرین پر ’’ پاکستان میں داعش کے علمبردار ۔۔۔طالبان کے سب سے بڑے طرفدار۔۔۔خودکش حملوں کے مرکزی کردار۔۔۔ملا عبد العزیز کو فی الفور گرفتار کرو ‘‘ جلی حروف میں درج تھے جبکہ احتجاجی مظاہرے کے شرکاء نے اپنے ہاتھوں میں مولوی عبد العزیز کے طالبان کی حمایت میں دئیے گئے بیان کے خلاف مذمتی پلے کارڈز اور بینرز تھامے ہوئے تھے جن پر ’’بذدل مولانا اپنی زبان کو لگا م دو ‘‘،طالبان کا جو یار ہے غدار ہے ۔۔۔غدار ہے ،معصوم بچوں کا خون کبھی رائیگاں نہیں جائے گا،داعش القاعدہ کی حمایت کرنے والوں جواب دو ، دہشتگردوں کے سردار کو گرفتار کرو ، ’’مذہب کے نام پر دہشتگردی بند کرو، مولوی عبد العزیز برقعہ پہن کر بھاگنے والے شرم کرو، ان معصوم بچوں کی کیا غلطی تھی ؟ ، We Miss You، طالبان کا پاکستان یا قائد اعظم کا پاکستا ن سمیت دیگر درجنوں نعرے اور مطالبے درج تھے ۔ احتجاجی مظاہرے سے ایم کیوا یم رابطہ کمیٹی پاکستا ن کے انچارج قمر منصور و دیگرنے خطاب کیا اور وزیر اعظم میاں محمد نواز شریف، وفاقی وزیر داخلہ چوہدری نثار علی خان ، چیف آ ف آرمی اسٹاف جنرل راحیل شریف اور متعلقہ اداروں سے مولانا عبد العزیز کے منافقانہ بیان کا نوٹس لیکر اسے گرفتار کرنے کا مطالبہ کیا۔