کراچی و حیدرآ باد میں جامعات کے قیام کا اعلان جناب الطاف حسین کی شب و روز کی محنت کاہی ثمرہے،اے پی ایم ایس او

کراچی۔۔۔ 28 نومبر 2014ء

آل پاکستان متحدہ اسٹو ڈینٹس آرگنائزیشن کی مرکزی کابینہ نے اپنے ایک بیان میں کہا ہے کہ کرا چی سمیت سندھ کے شہری عوام کے ساتھ جو قیام پاکستان سے لیکر اب تک تعصب پر مبنی ناروا سلوک روا رکھا گیااور سندھ کے جاگیرداروں اور وڑیروں نے ہمیشہ شہری سندھ کے لوگوں کا معاشی ،اقتصادی اور تعلیمی استحصال کیا ہے۔انہوں نے کہا کہ پیپلز پارٹی کے سابق صوبائی وزیر تعلیم سندھ پیر مظہر الحق کے حیدرآباد یونیورسٹی قیام کے حوالے سے تعصب اور تعلیم دشمنی پر مبنی بیان کی سخت ترین الفاظ میں مذمت کرتے ہوئے کہا کہ پیر مظہر الحق کی جانب سے یہ کہنا کہ وہ حیدرآباد میں بننے والی یونیورسٹی کی راہ میں فولادی دیوار بن کر کھڑے رہے اور انہی کی بدولت یہ یونیورسٹی نہ بن سکی جو انتہائی افسوسناک بات ہے۔انہوں نے کہاکہ سندھ کے طلباء پہلے ہی تعلیمی اداروں کی کمی کے باعث تعلیمی زبوں حالی کا شکار ہیں ایسے میں اس صوبے کے سابق وزیر تعلیم کی جانب سے اس قسم کے اقدامات تعلیم دشمنی کے مترادف ہیں۔مرکزی کابینہ کا مزید کہنا تھاکہ جناب الطاٖف حسین وہ واحد لیڈر ہیں جنہوں نے تعلیم سب لئے کا نعرہ بلند کیا ۔ کراچی اور حیدر آباد میں نئی یونیور سٹیزکے لئے جناب الطاف حسین نے شب و روز محنت کی ،جس کے باعث بحریہ ٹاؤن کے سربراہ ملک ریاض نے جناب الطاف حسین کی کاوشوں کا اعتراف کرتے ہوئے تعلیم کے فروغ کے لئے قائد تحریک کے نام سے دو نئی یونیورسٹیز بنانے کا اعلان کیا اور اب وہ دن زیادہ دور نہیں کہ جب پیغام حق پرستی کے طفیل پورے ملک میں تعلیم عام ہوگی ۔