ایم کیوا یم کی جانب سے ساؤتھ افریقہ میں ’’ایم کیوا یم ۔۔۔مضبوط پاکستان کی ضمانت ‘‘ ممبر سازی مہم 2014ء کا آغاز کر دیا گیا ، ایم کیو ایم ساؤتھ افریقہ

جوہانسبرگ ۔۔۔۔25نومبر 2014ء

متحد ہ قومی موومنٹ کے زیر اہتمام پاکستان سمیت دنیابھر میں’’ ایم کیوا یم ۔۔۔مضبوط پاکستان کی ضمانت ‘‘ کے عنوان سے ممبر سازی مہم 2014ء کا سلسلہ جاری ہے اس سلسلے میں ایم کیوا یم کے ساؤتھ افریقہ میں قائم انٹرنیشنل یونٹ نے بھی ممبر سازی مہم کا باقاعدہ آغاز کر دیا ہے ۔ ایم کیوایم ساؤتھ افریقہ کی جانب سے جوہانسبرگ میں ممبر سازی مہم کا افتتا حی کیمپ قائم کیا گیا جہاں پاکستان سمیت دنیا کے دیگر ممالک سے تعلق رکھنے والے عوام کی بڑی تعداد نے ممبر سازی کیمپس سے بڑی تعداد میں رجوع کرکے ایم کیو ایم کی رکنیت حاصل کی ۔اس موقع پر اے این سی کے کونسلر اور چےئرپرسن نے بھی ممبرسازی مہم کی افتتاحی تقریب میں شرکت کی ۔ اس موقع پر ایم کیو ایم ساؤتھ افریقہ اور جوہانسبرگ کے مقامی یونٹ کے ذمہ داران اور کارکنان نے آنے والے عوام کو خوش آمدید کہا اور انہیں ممبر سازی کے حوالے سے ضروری معلومات فراہم کرتے ہوئے عوام کی جانب سے پوچھے جانے والے مختلف سوالات کا جواب دیا ۔ واضح رہے کہ ایم کیوا یم ساؤتھ افریقہ چیپٹر کی جانب سے ساؤتھ افریقہ کے مختلف شہروں میں ممبرسازی مہم کیمپس قائم کئے جارہے ہیں جہاں خواتین اور نوجوانوں سمیت بیرون ملک میں مقیم پاکستانیوں اور دیگر ممالک سے تعلق رکھنے والے عوام ایم کیوا یم میں شمولیت اختیار کر رہے ہیں۔