ایم کیوایم پشاور ڈسٹرکٹ کے تحت یونین کونسل اوڑ مڑھ میں رکنیت سازی کیمپ لگایا گیا

پشاور ۔۔۔24، نومبر2014ء 

متحدہ قومی موومنٹ پشاور ڈسٹرکٹ کے زیر اہتمام رکنیت سازی مہم سال 2014ء کے سلسلے میں یونین کونسل اوڑ مڑھ میں رکنیت سازی کیمپ لگایا گیا جہاں لوگوں کی بڑی تعداد نے پہنچ کر فارم حاصل کئے اور انہیں پُر کرکے جمع کرائے ۔ ایم کیوایم پشاور کے نگراں ڈسٹرکٹ انچارج ارباب ایوب ، جوائنٹ انچارج سید ندیم راحت اور رکن اعجاز نے رکنیت سازی کیمپ کا دورہ کیا اور رکنیت سازم فارم حاصل کرکے جمع کرانے والے افراد کو جناب الطاف حسین کی جانب سے دلی مبارکباد پیش کی ۔ اس موقع پر انہوں نے گفتگو کرتے ہوئے کہاکہ ایم کیوایم ملک کی تمام مظلوم قومیتوں کی آواز ہے اور ملک بھر میں رکنیت سازی مہم کی کامیابی سے اب ملک میں غریب و متوسط طبقے کی قیادت کے انقلاب کو آنے سے کوئی طاقت نہیں روک سکتی ۔انہوں نے کہاکہ گزشتہ روز کراچی میں ایم کیوایم کے رکنیت سازی کیمپ پر دستی بم سے حملہ کرکے خوفزدہ کرنے کی کوشش کی گئی جبکہ بزدلانہ حملہ ایم کیوایم کی مقبولیت سے خوفزدہ عناصر کی کارروائی ہے ۔ انہوں مزید کہاکہ جناب الطاف حسین اور صوبہ خیبر پختونخوا کے عوام کے درمیان نظریاتی طور پر مضبوط رشتہ قائم ہوچکا ہے اور صوبہ خیبر پختونخوا کے عوام کی ایم کیوایم کی کنیت سازی مہم میں بڑھ چڑھ کر شمولیت اس بات کا ثبوت ہے کہ پختون قوم بھی دیگر مظلوم قومیتوں کی طرح جناب الطاف حسین کو اپنا نجات دہندہ تسلیم کرتی ہے اور حق پرستانہ جدوجہد اور پیغام کے فروغ کیلئے فعال کردارادا کررہی ہے ۔