مہاجر رابطہ کونسل کے صدر یعقوب بندھانی کی نماز جنازہ و تدفین میں ایم کیوایم رابطہ کمیٹی اورحق پرست اراکین اسمبلی کے وفد کی شرکت

کراچی ۔۔۔21نومبر2014ء

مہاجررابطہ کونسل کے صدریعقوب بندھانی کو جمعہ کے روز یاسین آباد میں واقع شہداء قبرستان میں سپرد خاک کردیا گیا ۔ مرحوم کی نماز جنازہ بعد نماز مغرب لیاقت آباد کی بندھانی کالونی میں قائم مسجد قباء میں ادا کی گئی ۔ نماز جنازہ و تدفین میں ایم کیو ایم رابطہ کمیٹی کے اراکین محمد واسع جلیل، عبد الحسیب ، احمد سلیم صدیقی ، اشفاق احمد منگی اور عارف خان ایڈوکیٹ، معاون رابطہ کمیٹی غازی صلاح الدین، حق پرست ارکین اسمبلی سفیان یوسف ،خالد بن ولایت ، افتخار عالم ، عظیم فاروقی نے شرکت کی اور ایم آر سی کی مرکزی کابینہ کے اراکین ، ہمدردوں اور یعقوب بندھانی مرحوم کے اہل خانہ کو جناب الطاف حسین کا تعزیتی پیغام پہنچا یا ۔ اس موقع پر ایم کیوا یم کے وفد نے دعا کی کہ اللہ تعالیٰ مرحوم کے درجات بلند کرکے انہیں اپنی جوار رحمت میں جگہ عطا فرمائے اور اہل خانہ کو یہ صدمہ برداشت کرنے کی ہمت عطا فرمائے ۔