ایم کیوایم کے قائد الطاف حسین نے دہشت گردوں کے حملے میں زخمی ہونے والے ایم کیوایم کے ارکان اسمبلی محمدحسین ، عبداللہ اوردیگرزخمی کارکنوں کی فون پرخیریت دریافت کی

لندن۔۔۔ 21 نومبر2014ء

متحدہ قومی موومنٹ کے قائدجناب الطاف حسین نے اورنگی ٹاؤن میں دہشت گردوں کی جانب سے ایم کیوایم کے رکنیت سازی کیمپ پر دستی بم کے حملے میں زخمی ہونے والے ارکان سندھ اسمبلی محمدحسین ، عبداللہ اوردیگرزخمی کارکنوں کی عباسی شہیداسپتال میں فون پرخیریت دریافت کی اوران کی صحتیابی کیلئے دعاکی۔ جناب الطاف حسین کی آوازسنکرزخمی کارکنوں میں جوش وخروش پیداہوگیا اور انہوں نے زخمی حالت میں بھی نعرے لگاکراپنے جوش وخروش کااظہارکیا ۔ ارکان اسمبلی اورزخمی کارکنوں نے جناب الطاف حسین سے کہاکہ اس طرح کے بزدلانہ حملے ہمارے حوصلوں کوپست نہیں کرسکتے ۔ جناب الطاف حسین نے ارکان اسمبلی اورزخمی کارکنوں سے دلی ہمدردی کا اظہار کیا اور ان کیلئے دعاکی۔ جناب الطاف حسین نے اورنگی ٹاؤن سیکٹرفون کرکے سیکٹرکے ذمہ داران سے بھی گفتگوکی اوران سے واقعہ کی تفصیلات معلوم کیں۔ انہوں نے دہشت گردی کے اس واقعہ کی شدیدمذمت کی اور سیکٹرکے ذمہ داروں اورکارکنوں سے کہاکہ وہ اپنی صفوں میں اتحادبرقراررکھیں اورپرامن جدوجہدجاری رکھیں۔ 







تصاویر