نیوز اینکرغریدہ فاروقی کو دہشت گردوں سے خطرناک لٹرائیوں کے بعد پُر خطر جگہوں پر جانے پرجناب الطاف حسین کااظہار ستائش

لندن۔۔۔18، نومبر2014ء 

متحدہ قومی موومنٹ کے قائد جناب الطاف حسین نے نیوز اینکر غریدہ فاروقی کو دہشت گردوں سے خطرناک لٹرائیوں کے بعد پُر خطر جگہوں پر جانے پر ان کی بہادری اور انتھک محنت کی ستائش کرتے ہوئے کہا ہے کہ انہوں نے نہ صرف خطرناک مقامات کا دورہ کیا بلکہ پورے پاکستان کو اور دنیا بھر کے لوگوں کو پاک افواج کی بہادری اور کامیابیوں کے بارے میں آگاہ کیا ۔ ایک بیان میں جناب الطاف حسین نے کہاکہ غریدہ فاروقی کی رپورٹ کے ذریعے یہ بھی معلوم ہوا کہ کس طرح ہمارے فوجیوں نے دہشت گردوں کو گرفتار کیا ، ان کے نیٹ ورک کو تباہ کیا اور کس طرح ہمارے فوجی جوان اس نیک مقصد کیلئے اپنی جانوں کا نذرانہ پیش کررہے ہیں تاکہ اس جنگ میں ہم سب کیلئے فتح حاصل کریں ۔جناب الطاف حسین نے حکومت پاکستان سے درخواست کی کہ غریدہ فاروقی کی بہادری اور ان کے نیک کام کو سراہتے ہوئے انہیں ستارہ جرات یا ستارہ امتیاز سے نوازا جائے ۔ جناب الطاف حسین نے اپنی طرف سے غریدہ فاروقی کیلئے ان کی بہادری اور جانفشانی کے صلے میں پچیس ہزار روپے اوران کے ساتھ کام کرنے والے رفقائے کار کیلئے علیحدہ سے پچیس ہزار روپے کا اعلان کیا ۔ جناب الطاف حسین نے غریدہ فاروقی کو قوم کی بیٹی کے خطاب سے بھی نوازا ۔
English Viewers