Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

اس بات پریقین رکھتاہوں کہ اداروں کے تقدس اوراحترام کیلئے جھک جانے میں بڑائی ہے ۔الطاف حسین


 Posted on: 1/7/2013 1
اس بات پریقین رکھتاہوں کہ اداروں کے تقدس اوراحترام کیلئے جھک جانے میں بڑائی ہے ۔الطاف حسین
خداکواکڑناپسندنہیں ہے بلکہ خداکوجھکناپسند ہے۔غروروگھمنڈ اوراکڑصرف اللہ تعالیٰ کی زات کوزیب دیتاہے 
عدلیہ اوردیگر اداروں کادل سے احترام کرتاہوں ،انتشار اور تصادم سے بچنے کیلئے جھک جانے میں کوئی حرج نہیں
ہمارے بارے میں غلط تصویر پیش کی جاتی ہے، ہم معاملات کوافہام وتفہیم کے ذریعے حل کرنے پر یقین رکھتے ہیں
ایم کیوایم کی رابطہ کمیٹی، حق پرست سینیٹرز، ارکان قومی وصوبائی اسمبلی ، وکلاء اور مختلف تنظیمی شعبہ جات کے ارکان سے فون پر گفتگو
توہین عدالت کیس میں ایم کیوایم کے وکیل بیرسٹرڈاکٹرفروغ نسیم اورپینل میں شامل تمام وکلاء کو قائدتحریک الطاف حسین کا خراج تحسین
تنظیمی عہدیداروں، ارکان پارلیمنٹ اوروکلاء کاعدالت کی جانب سے توہین عدالت کانوٹس خارج کئے جانے پر الطاف حسین کو مبارکباد
لندن ۔۔۔ 7 جنوری 2013ء
متحدہ قومی موومنٹ کے قائدجناب الطاف حسین نے کہاہے کہ میں عدلیہ اوردیگر اداروں کادل سے احترام کرتاہوں اوراس بات پریقین رکھتاہوں کہ اداروں کے تقدس اوراحترام کیلئے جھک جانے میں بڑائی ہے ۔انہوں نے یہ بات آج کراچی اور اسلام آبادمیں ایم کیوایم کی رابطہ کمیٹی، حق پرست سینیٹرز، ارکان قومی وصوبائی اسمبلی ، وکلاء اورایم کیوایم کے مختلف تنظیمی شعبہ جات کے ارکان سے فون پر گفتگوکرتے ہوئے کہی۔انہوں نے کہاکہ آج کے فیصلے سے ہمیں یہ سبق ملتاہے کہ خداکواکڑناپسندنہیں ہے بلکہ خداکوجھکناپسند ہے۔غروروگھمنڈ اوراکڑصرف اللہ تعالیٰ کی زات کوزیب دیتاہے۔ جناب الطاف حسین نے ذمہ داران سے کہاکہ آپ کسی بات پرکوئی مؤقف اختیارکرتے ہیں اور اگراس سے انتشاراورتصادم کی صورتحال پیداہورہی ہوتو انتشار اور تصادم سے بچنے کیلئے جھک جانے میں کوئی حرج نہیں۔ جن کے اندرانانہیں ہوتی وہ جھک جاتے ہیں اورجھکنے والاچھوٹانہیں ہوتا۔جناب الطاف حسین نے کہاکہ میں عدلیہ اور دیگر اداروں کادل سے احترام کرتاہوں اوراس بات پریقین رکھتاہوں کہ اداروں کے تقدس اوراحترام کیلئے جھک جانے میں بڑائی ہے ۔اس سے اداروں کی عزت اوروقار مزیدمستحکم ہوگااوروہاں بیٹھنے والوں کی ہمت اور زیادہ بڑھے گی۔ انہوں نے مزیدکہاکہ ہمارے بارے میں عوام کے درمیان غلط تصویر پیش کی جاتی ہے جبکہ ہم معاملات کوافہام وتفہیم کے ذریعے حل کرنے پر یقین رکھتے ہیں۔اس موقع پر تمام تنظیمی عہدیداروں، ارکان پارلیمنٹ اوروکلاء نے عدالت عظمیٰ کی جانب سے توہین عدالت کانوٹس خارج کئے جانے پر جناب الطاف حسین کومبارکبادپیش کی اورکہاکہ آپ نے عدالت عظمیٰ سے غیرمشروط معافی مانگ کر عملاً ثابت کردیاہے کہ آپ آئین وقانون اور عدلیہ کی عزت اوراحترام کرتے ہیں ۔ آپ کے اس فیصلے سے نہ صرف آپ بلکہ پوری تحریک کی عزت ووقارمیں اضافہ ہواہے۔ جناب الطاف حسین نے تمام اراکین رابطہ کمیٹی، ارکان پارلیمنٹ ،تمام تنظیمی شعبہ جات کے ذمہ داروں اوروکلاء کو مبارکبادپیش کرتے ہوئے کہاکہ یہ تحریک کے تمام کارکنوں اور پاکستان کے ہرمظلوم کی فتح ہے۔انہوں نے توہین عدالت کیس میں ایم کیوایم کے وکیل بیرسٹرڈاکٹرفروغ نسیم اورپینل میں شامل تمام وکلاء کوبھی مبارکباداورخراج تحسین پیش کیااوران کیلئے دعائیں کی۔ جناب الطاف حسین نے رابطہ کمیٹی سمیت تمام تنظیمی عہدیداروں، ارکان پارلیمنٹ اوروکلاء سے کہاکہ وہ بھی ایک عظیم مقصدکیلئے اپنی اناکوختم کریں اورآپس میں ملکرکام کریں۔ 
 
پوری دنیا کے شوریدہ حالات تیسری عالمی جنگ کا عندیہ دے رہے ہیں، الطاف حسین
پاکستان ، انڈیا، افغانستانِ ایران،امریکہ اوریورپی دنیا نے ہوش کے ناخن نہ لئے تو کسی بھی وقت تیسری عالمی جنگ کا آغاز ہوسکتا ہے 
تمام ممالک کوفی الفور زمینی حقائق کی روشنی میں مشاورت سے کام لیکر مستقبل کی منصوبہ بندی کرنی چاہئے ۔دنیا کے ہرذی شعور فرد کی زبان پر ایک ہی نعرہ ہونا چاہئے کہ ’’عقل وشعور سے کام لو ۔۔۔دنیا کو تیسری عالمی جنگ سے بچاؤ‘ ۔ لندن کے گردونواح کی یونیورسٹیوں اورکالجوں کے طلباء وطالبات کے نمائندہ وفد سے گفتگو
لندن ۔۔۔7، جنوری 2013ء
متحدہ قومی موومنٹ کے قائد جناب الطاف حسین نے پاکستان سمیت دنیا بھر کی چھوٹی بڑی قوتوں کو مخاطب کرتے ہوئے کہاہے کہ وہ انفارمیشن ٹیکنالوجی کی اس صدی میں اپنی اپنی طاقت کے زعم اور ایک دوسرے پر سبقت لے جانے کی بچکانہ حرکت نہ کریں۔یہ بات انہوں نے لندن کے گردونواح کی یونیورسٹیوں اورکالجوں کے طلباء وطالبات کے نمائندہ وفد سے گفتگو کرتے ہوئے کہی۔ اس موقع پر جناب الطاف حسین نے نمائندہ وفد میں شریک ایک ایک طلباء کے سوالات کے تفصیلی جوابات بھی دیئے ۔جناب الطاف حسین نے بین الاقومی حالات اور40سال شام کے ساحلی علاقوں میں پانچ جدید طرز کے جنگی جہازوں کی تعیناتی پر تبصرہ کرتے ہوئے کہاکہ پاکستان ، انڈیا، افغانستان ، ایران،امریکہ اوریورپی دنیا نے ہوش کے ناخن نہ لئے ، ایک دوسرے کو برداشت کرنے کا طرزعمل اختیار نہ کیااورایک دوسرے پر سبقت لے جانے کی دوڑ میں لگے رہے تو میں انہیں متنبہ کرنا چاہتاہوں کہ ان کی جانب سے جذباتیت پر مبنی فیصلے اوراپنی اپنی طاقت کے ناز میں کئے جانے والے فیصلے کرنے سے کسی بھی وقت تیسری عالمی جنگ کا آغاز ہوسکتا ہے ۔ انہوں نے کہاکہ ایک طرف شام کے ساحلی علاقوں میں روس کے جنگی جہازوں کی تعیناتی ہرذی شعور فرد کیلئے نہ صرف لمحہ فکریہ ہے بلکہ یہ عالمی امن کیلئے شدید خطرات کی بھی نشاندہی کررہا ہے۔دوسری طرف ایران، چائنا اور روز کا شام کی حکومت کو ڈٹے اورجمے رہنے کا مشورہ بھی انتہائی اہم ہے ۔ لہٰذا تمام ممالک بشمول پاکستان کوفی الفور ہوش مندی اور زمینی حقائق کی روشنی میں مشاورت سے کام لیکر مستقبل کی منصوبہ بندی کرنی چاہئے کیونکہ پوری دنیا کے شوریدہ حالات تیسری عالمی جنگ کا عندیہ دے رہے ہیں۔جناب الطاف حسین نے کہا کہ اب پوری دنیا کے ہرذی شعور فرد کی زبان پر ایک ہی نعرہ ہونا چاہئے کہ عقل وشعور سے کام لو ۔۔۔دنیا کو تیسری عالمی جنگ سے بچاؤ۔
آخر میں جناب الطاف حسین نے برطانیہ کے مختلف تعلیمی اداروں میں تعلیم حاصل کرنے والے طلباء کو تلقین کی کہ وہ محنت ولگن سے حصول علم پر توجہ مرکوز رکھیں اور ایک اچھے شہری بنکر اپنے اپنے ممالک کیلئے مضبوط اور قیمتی سرمایہ ثابت ہوں۔
 
ایم کیوایم کے قائدجناب الطاف حسین سے پاکستان علماء کونسل کے سربراہ حافظ طاہر اشرفی کی فون پر گفتگو، عدالت عظمیٰ سے غیرمشروط معافی مانگنے اورتوہین عدالت کانوٹس خارج ہونے پر دلی مبارکبادپیش کی 
آپ نے عدالت عظمیٰ سے غیرمشروط معافی مانگ کرسیاسی تاریخ میں اعلیٰ ظرفی کی شاندار مثال قائم کی ہے۔حافظ طاہر اشرفی
اپنی خطاء کوتسلیم کرنااوراس پرمعافی مانگنا بڑائی کی بات ہے اوریہ عمل بڑے لوگ ہی کرسکتے ہیں۔حافظ طاہراشرفی
میری ہمیشہ یہ کوشش رہی ہے کہ اداروں کی عزت واحترام اوروقار کوکوئی ٹھیس نہ پہنچے۔الطاف حسین
لندن ۔۔۔ 7 جنوری 2013ء
پاکستان علماء کونسل کے سربراہ حافظ طاہر اشرفی نے توہین عدالت کیس میں عدالت عظمیٰ سے غیرمشروط معافی مانگنے اورتوہین عدالت کانوٹس خارج ہونے پر ایم کیوایم کے قائدجناب الطاف حسین کودلی مبارکبادپیش کی ہے ۔ جناب الطاف حسین سے فون پر گفتگوکرتے ہوئے حافظ طاہراشرفی نے کہاکہ اپنی خطاء کوتسلیم کرنااوراس پرمعافی مانگنا بڑائی کی بات ہے اوریہ عمل بڑے لوگ ہی کرسکتے ہیں۔حافظ طاہراشرفی نے جناب الطاف حسین سے کہاکہ آپ نے عدالت عظمیٰ کے بارے میں اپنے ریمارکس واپس لیکر اورغیرمشروط معافی مانگ کرسیاسی تاریخ میں اعلیٰ ظرفی کی شاندار مثال قائم کی ہے اوراس اقدام سے آپ کی عزت میں اضافہ ہواہے۔ دیگرسیاسی رہنماؤں کوبھی چاہیے کہ وہ اس کی تقلیدکریں اورعدلیہ کے احترا م اورتقدس کیلئے مثبت طرزعمل اختیارکریں۔ جناب الطا ف حسین نے کہاکہ وہ عدلیہ اورتمام اداروں کا دل سے احترام کرتے ہیں اوران کی ہمیشہ یہ کوشش رہی ہے کہ اداروں کی عزت واحترام اوروقار کوکوئی ٹھیس نہ پہنچے۔
 
سیاسی ڈرون دھماکے میں مزید ایک یا دودن کی تاخیر ہوسکتی ہے، الطاف حسین
میرے اعلان کے مطابق سیاسی ڈرون دھماکے کی ہرچیز تیار ہے تاہم سیاسی ڈرون دھماکے کیلئے چند ایک پرزے امید ہے آج کل میں مل جائیں گے۔
لندن ۔۔۔7، جنوری 2013ء
متحدہ قومی موومنٹ کے قائد جناب الطاف حسین نے پاکستان بھر کے عوام کو مخاطب کرتے ہوئے کہاہے کہ میں نے گزشتہ دنوں جس سیاسی ڈرون دھماکے کا اعلان کیا تھا اس میں مزید ایک دن یا زیادہ سے زیادہ دودن کی تاخیر ہوسکتی ہے ۔ انہوں نے کہاکہ میرے اعلان کے مطابق سیاسی ڈرون دھماکے کی ہرچیز تیار ہے تاہم سیاسی ڈرون دھماکے کیلئے چند ایک پرزے امید ہے کہ آج کل میں مل جائیں گے ۔ان پرزوں کی تلاش جاری ہے ۔
 
ایم کیوایم کے وفدکی جماعت اسلامی کے رہنماؤں سے لاہورآفس میں ملاقات 
قائدتحریک جناب الطا ف حسین کی جانب سے سابق امیرجماعت اسلامی قاضی حسین احمدکے انتقال پرتعزیتی پیغام پہنچایا
لاہور: ۔۔۔7، جنوری 2013ء 
متحدہ قومی موومنٹ کے نمائندہ وفدنے رکن رابطہ کمیٹی سیف یارخان کے ہمراہ جماعت اسلامی کے رہنماؤں حافظ سلمان بٹ،فریدپراچہ اوراحسان الوقاص سے گذشتہ روزجماعت اسلامی لاہورآفس میں ملاقات کی اورجماعت اسلامی کے سابق امیر،سابق رکن قومی اسمبلی وسینیٹر قاضی حسین احمدکے انتقال پرایم کیو ایم کے قائدجناب الطاف حسین کی جانب سے تعزیتی پیغام پہنچایااوران سے دلی تعزیت وہمدردی کااظہارکیا۔انہوں نے قاضی حسین احمدمرحوم کی مغفرت، درجات کی بلندی اورروح کے ایصال ثواب کیلئے فاتحہ خوانی بھی کی۔انہوں نے کہاکہ قاضی حسین احمدبڑے سیاستدان تھے ان کے انتقال سے ملکی سیاست میں بڑاخلاء پیداہوگیاہے جسے پورا نہیں کیاجاسکتا۔اس موقع پرجماعت اسلامی کے رہنماؤں نے دکھ اورافسوس کی اس گھڑی میںیادرکھنے پرقائدتحریک جناب الطاف حسین کاشکریہ اداکیا۔ ایم کیوایم کے وفدمیں سینٹرل ایگزیکیٹوکونسل کے رکن کرنل (ر)ایل کے ٹسریز،رکن صوبائی تنظیمی کمیٹی پنجاب وسابق ٹاؤن ناظم کامران اختر،لاہورزون کے انچارج وسیم کھوکھر اورلاہورڈسٹرکٹ کے انچارج ارشادالحق چوہدری کے دیگرذمہ داران وکارکنان شامل تھے۔
 
فیڈرل بی ایریامیں عائشہ منزل کے قریب دہشت گردوں کی فائرنگ سے مقامی تاجرمحمداصغراوران کی صاحبزادی زینب کی ٹارگٹ کلنگ پرایم کیوایم کے قائدالطاف حسین کااظہارمذمت، واقعہ شہرمیں فرقہ وارانہ فسادات کی سازش ہے ۔ایم کیوایم کے قائد الطاف حسین کا واقعہ پر جامعہ بنوریہ سائٹ کے مہتمم مفتی محمدنعیم سے فون پرتعزیت۔
فرقہ اورمسلک کی بنیادپرایک دوسرے کی جان لیناسراسراظلم ہے۔ الطا ف حسین
اللہ تعالیٰ توفیق دے کہ ہم ایک دوسرے کے دشمن بننے کے بجائے قرآن مجیدکے فرمان کے مطابق ایک دوسرے کی جان ومال کی حفاظت کریں ۔الطاف حسین
لندن ۔۔۔ 6 جنوری 2013ء
متحدہ قومی موومنٹ کے قائدجناب الطا ف حسین نے فیڈرل بی ایریامیں عائشہ منزل کے قریب دہشت گردوں کی فائرنگ سے مقامی تاجرمحمداصغراوران کی صاحبزادی زینب کی ٹارگٹ کلنگ کی شدیدالفاظ میں مذمت کی ہے اوراس واقعہ کوشہرمیں فرقہ وارانہ فسادات کی سازش قراردیاہے۔انہوں نے مقتولین کے اہل خانہ سے دلی تعزیت و ہمدردی کااظہارکیا اورجاں بحق ہونے والوں کیلئے دعائے مغفرت کی ۔جناب الطاف حسین نے واقعہ پر جامعہ بنوریہ سائٹ کے مہتمم مفتی محمدنعیم سے بھی فون پرتعزیت کی اورگہرے رنج وغم کااظہارکیا۔ مفتی نعیم سے گفتگوکرتے ہوئے جناب الطا ف حسین نے فرقہ وارانہ قتل کے واقعات پر اپنے افسوس کااظہارکرتے ہوئے کہاکہ فرقہ اورمسلک کی بنیادپرایک دوسرے کی جان لیناسراسراظلم ہے۔ اللہ تعالیٰ ہم سب کوتوفیق دے کہ ہم ایک دوسرے کے دشمن بننے کے بجائے قرآن مجیدکے فرمان ’’ لکم دینکم ولی الدین‘‘ اور ’’ لااکراہ فی الدین ‘‘ پر عمل کریں اورمسلمان کی حیثیت سے ایک دوسرے کی جان ومال کی حفاظت کریں ۔ انہوں نے کہاکہ مختلف فقہوں اور مسالک سے تعلق ہونے کے ساتھ ساتھ ہم سب مسلمان ہیں اورپاکستانی بھی ہیں توہمیں اس بنیادپر بھیایک دوسرے کااحترام کرناچاہیے۔ مفتی نعیم نے جناب الطاف حسین کی تائید کرتے ہوئے ان واقعات پر افسوس کااظہارکیااورفرقہ وارانہ ہم آہنگی کی ضرورت پر ذوردیا۔ 

عائشہ منزل کے قریب گاڑی پر مسلح دہشت گردوں کی فائرنگ کے نتیجے میں تاجر اصغر سمیت ان کی کمسن صاحبزادی زینب کے بہیمانہ قتل اور 8سالہ بیٹی دعا کے زخمی ہونے پر رابطہ کمیٹی کااظہار مذمت۔ 
جو دہشت گرد باپ بیٹی کے بہیمانہ قتل میں ملوث ہیں وہ درندہ صفت ہیں اور کسی قسم کی رعایت کے مستحق نہیں ہوسکتے، رابطہ کمیٹی 
تاجراصغرسمیت صاحبزادی زینب کے بہیمانہ قتل اور 8سالہ بیٹی دعا کے فائرنگ سے زخمی ہونے پرلواحقین سے دلی تعزیت وہمدردی کااظہار 
کراچی ۔۔۔7، جنوری 2013ء 
متحدہ قومی موومنٹ کی رابطہ کمیٹی نے عائشہ منزل کے قریب گاڑی پر مسلح دہشت گردوں کی فائرنگ کے نتیجے میں تاجر اصغر اور ان کی کمسن صاحبزادی زینب کے بہیمانہ قتل کی سخت ترین الفاظ میں مذمت کی ہے اورفائرنگ سے باپ بیٹی کے قتل کی واردات کو کھلی دہشت گردی اور شہر کا امن تباہ کرنے کی گھناؤنی سازشوں کا حصہ قرار دیا ہے ۔ ایک بیان میں رابطہ کمیٹی نے کہاکہ جو دہشت گرد باپ بیٹی کے بہیمانہ قتل میں ملوث ہیں وہ درندہ صفت ہیں اور کسی قسم کی رعایت کے مستحق نہیں ہوسکتے ۔ رابطہ کمیٹی نے مقتول تاجر اصغر ، ان کی کمسن بیٹی زینب کی فائرنگ سے ہلاکت پرتمام سوگوار لواحقین سے دلیتعزیت وہمدردی کااظہار کیا اور مقتولین کے بلند درجات اور فائرنگ سے زخمی ہونے والی 8سالہ دعا کی جلد و مکمل صحت یابی کیلئے دعا بھی کی ۔ رابطہ کمیٹی نے صدر مملکت آصف علی زداری ، وزیراعظم یوسف رضا گیلانی ، وفاقی وزیر داخلہ رحمان ملک ، گورنر سندھ ڈاکٹر عشرت العباد اور وزیراعلیٰ سندھ سید قائم علی شاہ سے مطالبہ کیا کہ عائشہ منزل کے قریب گاڑی پر مسلح دہشت گردوں کی فائرنگ کے نتیجے میں تاجر اصغرسمیت ان کی کمسن صاحبزادی زینب کے بہیمانہ قتل اور 8سالہ بیٹی دعا کے شدید زخمی ہونے کا سنجیدگی سے نوٹس لیاجائے اور اس میں ملوث سفاک دہشت گردوں کو فی الفور گرفتار کرکے عبرتناک سزا دی جائے ۔
 
جناب الطاف حسین کی جانب سے غیر مشروط معافی نامے اور اعلیٰ عدالت کی جانب سے نوٹس خارج کرنے پرعوام کی جانب سے خیرمقدم
قائدتحریک الطاف حسین نے غیر مشروط معافی مانگ کر ثابت کردیا کہ وہ دل سے اعلیٰ عدلیہ اور دیگر اداروں کا مکمل احترام کرتے ہیں اس فیصلے سے نہ صرف جناب الطاف حسین بلکہ پوری تحریک کی عزت و وقار میں اضافہ ہوا ہے
فیصلہ دانشمندانہ ہے جو تحریک کے تمام کارکنوں اور پاکستان کے ہرمظلوم کی فتح ہے
توہین عدالت کیس میں جناب الطاف حسین کی غیرمشروط معافی اورعدالت کی جانب سے کیس برخاست کرنے پرعوام وکارکنان اورسیاسی و سماجی شخصیات کی نائن زیرو اورایم کیوایم انٹرنیشنل سیکریٹریٹ لندن میں ای میل،فیکس اورٹیلی فون کے ذریعے تہنیتی پیغامات کاتانتا بندھ گیا
کراچی: ۔۔۔ 7 جنوری 2013ء
توہین عدلت کیس میں متحدہ قومی موومنٹ کے قائدجناب الطاف حسین کی جانب سے غیرمشروط معافی نامے اوراعلیٰ عدالت کی جانب سے نوٹس خارج کرنے کی اطلاعات نجی ٹی وی چینلزپرنشرہونے کے فوری بعدایم کیوایم کے مرکزنائن زیروعزیزآباداورایم کیوایم انٹرنیشنل سیکریٹریٹ لندن میں مختلف شخصیات خصوصاًحق پرست عوام وکارکنان کی ای میلز ، فیکس اورٹیلی فون پرتہنیتی پیغامات کاتانتابندگیاہے ۔تہنیتی پیغام ریکارڈکرنیوالوں میں دانشور،وکلاء،ڈاکٹرز،شعراء کرام،کالم نگار،کھلاڑی،فنکار،بزنس کمیونٹی کے تاجر، صنعتکار اور مختلف مکاتب فکرکے علمائے کرام سمیت مختلف شعبہ ہائے زندگی سے تعلق رکھنے والی اہم شخصیات شامل ہیں۔جنہوں نے اپنے پیغامات میں جناب الطاف حسین کے فیصلے کا خیر مقدم کیاہے اور اسے دانشمندانہ فیصلہ قراردیتے ہوئے کہاہے کہ جناب الطاف حسین نے اعلیٰ عدالت سے غیرمشروط معافی مانگ کرثابت کردیاکہ وہ عدلیہ اوردیگراداروں کاکل بھی دل سے نہ صرف احترام کرتے ہیں بلکہ آج بھی ان اسی طرح عزت واحترام کرتے ہیں اور اس بات پربھی یقین رکھتے ہیں کہ اداروں کے تقدس اوراحترام کیلئے جھک جاناکوئی برائی نہیں۔ای میلز،فیکس اورٹیلیفون پرموصول ہونیوالے تہنیتی پیغامات میں عوام نے اس بات پربھی مسرت کااظہارکیاکہ اعلیٰ عدالت کے ججوں نے جناب الطاف حسین کیخلاف توہین عدالت کے نوٹس کوخارج کردیاہے جس پروہ اعلیٰ عدلیہ اورججزکا بھی شکریہ اداکرتے ہیں۔موصول ہونیوالے بعض پیغامات میں کارکنان وعوام نے کہاکہ یہ تحریک کے تمام کارکنوں اور پاکستان کے ہرمظلوم کی فتح ہے جس سے عدلیہ سمیت تمام قومی ادارے مضبوط ومستحکم اوران کی عزت ووقارمیں مزیداضافہ ہوگا۔ انہوں نے نوٹس خارج ہونے پر جناب الطاف حسین کومبارکبادپیش کرتے ہوئے کہاکہ جناب الطاف حسین نے عدالت عظمیٰ سے غیرمشروط معافی مانگ کر اپنے عمل سے ثابت کردیاہے کہ وہ آئین وقانون اور عدلیہ کی عزت اوراحترام کرتے ہیں اور اس فیصلے سے نہ صرف جناب الطاف حسین بلکہ پوری تحریک کی عزت ووقارمیں اضافہ ہواہے۔ انہوں نے چیف جسٹس افتخارمحمدچوہدری سمیت تمام ججزصاحبان اورتوہین عدالت کیس میں ایم کیوایم کے وکیل بیرسٹرڈاکٹرفروغ نسیم اورپینل میں شامل تمام وکلاء کوبھی دل کی گہرائیوں سے بہت بہت مبارکبادپیش کی۔
 
قائدتحریک جناب الطاف حسین نے توہین عدالت کیس میں غیرمشروط معافی مانگ کر ثابت کردیا کہ وہ عظیم لیڈر و رہنماء ہیں،نبیل گبول
دیگرسیاسی رہنماؤں کوبھی چاہئے کہ وہ جناب الطاف حسین کے اس عمل کی تقلید کریں اوراعلیٰ عدالتوں اور دیگر اداروں کا دل سے احترام کریں
توہین عدالت کیس میں جناب الطاف حسین کی غیرمشروط معافی اور نوٹس خارج ہونے پرنبیل گبول کی لندن سیکریٹریٹ میں رابطہ کمیٹی کے ارکان سے ٹیلی فون پربات چیت،مبارکباد دی
لندن: ۔۔۔ 7 جنوری 2013ء
پیپلزپارٹی کے رہنماء اوررکن قومی اسمبلی نبیل گبول نے توہین عدالت کیس میں جناب الطاف حسین کی غیرمشروط معافی اورعدالت کی جانب سے مقدمہ برخاست کرنے پر ایم کیو ایم کے لندن سیکریٹریٹ ٹیلی فون کرکے رابطہ کمیٹی کے ارکان سے بات چیت کی اورانہیں مبارکبادپیش کی۔انہوں نے کہاکہ قائدتحریک جناب الطاف حسین نے توہین عدالت کیس میں؂غیرمشروط معافی مانگ کرثابت کردیاکہ وہ عظیم لیڈرورہنماء ہیں جواعلیٰ عدالت سمیت تمام اداروں کادل سے احترام کرتے ہیں۔انہوں نے جناب الطاف حسین کے اقدام کی تعریف کی اورکہاکہ دیگرسیاسی رہنماؤں کوبھی چاہئے کہ وہ جناب الطاف حسین کے اس عمل کی تخیلد کریں اوراعلیٰ عدالتوں اوردیگراداروں کادل سے احترام کریں۔اس موقع پر رابطہ کمیٹی کے ارکان نے ٹیلی فون کرکے پیغام ریکارڈکرانے پرنبیل گبول کاشکریہ اداکیا۔
 
ایم کیوایم لیبر ڈویژن الائیڈ بنک یونٹ کے کارکن علی رضا نقو ی کی المناک شہادت پر جناب الطا ف حسین کا اظہارِ افسوس
لندن :۔۔۔7، جنوری 2013ء 
متحدہ قومی موومنٹ کے قائد جنا ب الطاف حسین نے ایم کیوایم لیبر ڈویژن الائیڈ بنک یونٹ کے کارکن علی رضا نقو ی کی المناک شہادت پر گہرے رنج و غم کااظہار کیا ہے۔ ایک بیان میں جناب الطاف حسین نے شہید کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی اور کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔جناب الطاف حسین نے دعا کی کہ اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطا کرے ۔(آمین)
 
علی رضا نقوی کے قتل کا نوٹس لیا جائے ،واقعہ میں ملوث دہشت گردوں کو گرفتارکرکے قرار واقعی سزادی جائے رابطہ کمیٹی
علی رضا نقوی کا قتل فرقہ وارانہ فسادات کی سازش ہے
کراچی :۔۔۔۔7، جنوری 2013ء
متحدہ قومی موومنٹ کی رابطہ کمیٹی نے دہشت گردوں کے ہاتھوں ایم کیوایم لیبر ڈویژن الائیڈ بنک یونٹ کے کارکن علی رضا نقوی کے قتل کی سخت ترین الفاظ میں مذمت کی ہے اور واقعہ کو شہر میں جار ی فرقہ وارانہ فسادات کی سازش قرا ردیا ہے ۔ایک بیان میں رابطہ کمیٹی نے کہاکہ دہشت گرد عناصر شہر میں فرقہ وارانہ فسادات کے ذریعے امن کو سبوتاژ کررہے تاکہ شہر اور ملک کو غیر مستحکم کیا جاسکے اور علی رضا نقو ی کا قتل اسی سلسلے کی ایک کڑی ہے جسکی جتنی مذمت کی جائے کم ہے ۔ رابطہ کمیٹی نے علی رضا نقوی شہید کے سوگوا ر لواحقین سے دلی تعزیت و ہمدردی کااظہار کرتے ہوئے شہید کی مغفرت اور سوگواران کیلئے صبر جمیل کی دعا بھی کی ۔ رابطہ کمیٹی صدرِ مملکت آصف علی زرداری ، وزیر پاکستان راجہ پرویز اشرف ،وفاقی وزیر داخلہ رحمن ملک ،گورنر سندھ ڈاکٹر عشرت العباد اور وزیر اعلیٰ سندھ قائم علی شاہ سے مطالبہ کیاکہ علی رضا نقوی کے قتل کا نوٹس لیا جائے اور اس میں ملوث دہشت گردوں کو گرفتارکرکے انہیں قرار واقعی سزادی جائے ۔
 
صوبائی مشیراسپورٹس ڈاکٹرمحمدعلی شاہ کی علالت پر ایم کیوایم کے قائدالطاف حسین کا اظہارتشویش
کارکنان اورحق پرست عوام ڈاکٹرمحمدعلی شاہ کی صحتیابی کیلئے دعاکریں۔الطاف حسین 
لندن ۔۔۔ 7 جنوری 2013ء
متحدہ قومی موومنٹ کے قائدجناب الطاف حسین نے ایم کیوایم کے صوبائی مشیراسپورٹس ڈاکٹرمحمدعلی شاہ کی علالت پر گہری تشویش کااظہارکیاہے اوردعاکی ہے کہ اللہ تعالیٰ ڈاکٹرمحمدعلی شاہ کوجلدازجلدصحتیابی عطاکرے ۔ واضح رہے کہ ڈاکٹرمحمدعلی شاہ توہین عدالت کیس میں سپریم کورٹ جانے کے سلسلے میں اسلام آباد گئے تھے جہاں گزشتہ روز ان کی طبیعت خراب ہوگئی اوروہ اسلام آبادکے الشفاء ٹرسٹ اسپتال کے آئی سی یو میں داخل ہیں۔ جناب الطاف حسین نے ایم کیوایم کے کارکنان اورحق پرست عوام سے بھی اپیل کی ہے کہ وہ ڈاکٹرمحمدعلی شاہ کی صحتیابی کیلئے دعاکریں۔
 
عوام ،ایم کیوایم میر پورخاص زون یونٹ 1 اے  کے جوائنٹ یونٹ انچارج خالد انصاری کی صحت یابی کیلئے دعا کریں ، الطاف حسین کی اپیل
لندن۔۔۔7، جنوری 2013ء 
متحدہ قومی موومنٹ کے قائد جناب الطاف حسین نے ایم کیوایم میر پور خاص زون سیکٹر یونٹ ون اےکے  جوائنٹ یونٹ انچارج خالد انصاری کی علالت پر گہری تشویش کااظہا رکیا ہے اور ان کی جلد صحت یابی کیلئے دعا کی ہے ۔ ایک بیان میں جناب الطاف حسین نے حق پرست ماؤں، بہنوں ، بزرگوں اور کارکنوں سے اپیل کی کہ وہ بھی خالد انصاری کی جلد ومکمل صحت یابی کیلئے اللہ تعالیٰ کے حضور خصوصی دعا کریں ۔ 
 
ایم کیوایم کراچی تنظیمی کمیٹی کے رکن تنویر علی کی والدہ محترمہ فضلیت ماب کے انتقال پر جنا ب الطاف حسین کااظہارِ تعزیت
لندن :۔۔۔۔7، جنوری 2013ء 
متحدہ قومی موومنٹ کے قائد جنا ب الطاف حسین نے کراچی تنظیمی کمیٹی کے رکن تنویر علی کی والدہ محترمہ فضلیت ماب کے انتقال پر گہرے رنج و غم کااظہار کیا ہے ۔ایک بیان میں جناب الطاف حسین نے مرحوم کے تمام سوگوار لواحقین سے دلی تعز یت و ہمدردی کااظہار کرتے ہوئے انہیں صبر کی تلقین کی اور کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ مرحوم کو اپنی جوارِ رحمت میں اعلیٰ مقام عطا فرمائے اور سوگواران کو یہ صدمہ برداشت کرنے کا حوصلہ عطا کرے (آمین ) 
دریں اثناء ایم کیوایم کی رابطہ کمیٹی نے بھی محترمہ فضلیت ماب کے انتقال پر دلی افسوس کااظہار کرتے ہوئے مرحومہ کی مغفرت اور سوگواران کیلئے صبر جمیل کی دعا کی ہے ۔علاوہ ازیں ایم کیوایم کراچی تنظیمی کمیٹی کے رکن تنویر علی کی والدہ محترمہ فضلیت ماب مرحومہ کو ےٰسین آباد کے شہد اء قبر ستان میں سپر دخاک کردیا گیا ، مرحومہ کی نماز جنازہ بعد نماز عصر قصبہ علیگڑھ میں واقع بلال مسجد میں ادا کی گئی ۔ جس میں ایم کیوایم کی رابطہ کمیٹی کے رکن نیک محمد ، کراچی تنظیمی کمیٹی کے انچارج و اراکین ،علاقائی سیکٹر و یونٹ کمیٹیوں کے ذمہ داران و کارکنان اور مرحومہ کے عزیز و اقارب نے بڑی تعداد میں شرکت کی ۔
 
.ایم کیوایم شعبہ اقلیتی امور کمیٹی نیو کراچی ٹاؤن کی کمیٹی کے رکن خالد جاویدکے انتقال پر جناب الطاف حسین کااظہارِ افسوس
لندن :۔۔۔۔7، جنوری 2013ء 
متحدہ قومی موومنٹ کے قائد جناب الطاف حسین نے ایم کیوایم شعبہ اقلیتی امور کمیٹی نیو کراچی ٹاؤن کی کمیٹی کے رکن خالد جاویدکے انتقال پردلی افسوس کااظہار کیا ہے ۔ ایک بیان میں جناب الطاف حسین نے مر حوم کے تمام سوگوار لواحقین سے دلی تعزیت وہمدردی کااظہار کیاہے ۔دریں اثناء ایم کیوایم کی رابطہ کمیٹی نے ایم کیوایم اور نگی ٹاؤن سیکٹر یونٹ 124شعبہ خواتین کی انچارج محترمہ عالیہ کے شوہر سیّد مقصود کمال اور ایم کیوایم نو شہر و فیر وز زون کے رکن نعیم الدین میمن کے بھائی محمد اسلم پرویز کے انتقال پر دلی تعزیت و ہمدردی کااظہارکرتے ہوئے دعا کی کہ اللہ تعالیٰ مرحومین کو جنت الفردوس میں اعلیٰ مقام عطا فرمائے او ر سوگواران کو صبر جمیل عطا کرے ۔(آمین)دریں اثناء رابطہ کمیٹی نے شعبہ اقلیتی امور کمیٹی نیو کراچی ٹاؤن کی کمیٹی کے رکن خالد جاویدکے انتقال پر بھی دلی تعزیت و ہمدردی کااظہار کیا ہے ۔
 
سرور کائناتؐ کی محبت ہمارے ایمان کی بنیادی شرط ہے۔ محمد شریف
عوامی خدمت کے ساتھ ساتھ مذہبی رواداری کا قیام ایم کیوایم کی اولین ترجیح ہے 
حیدرآباد۔۔۔07 جنوری2013 ء
سرور کائناتؐ کی محبت ہماری ایمان کی بنیادی شرط ہے اور انکی آمد کا جشن اہل ایمان شایان شان طریقہ سے مناتے ہیں۔ان خیالات کا اظہار متحدہ قومی موومنٹ حیدرآباد کے زونل انچارج محمد شریف نے انجمن فدائیا ن رسول ﷺ کی جانب سے بارہ ربیع الاول کے حوالے سے جامع مسجدمصطفی لظیف آباد میں ہونے والے مشاروتی اجلاس میں علماء اکرام اور مختلف انجمنوں کے عہدیداران سے گفتگو کرتے ہوئے کیا ۔اجلاس میں مفتی احمدمیاں برکاتی ،مفتی علامہ عظمت علی شاہ سمیت دیگر علماء اکرام اورمختلف انجمنوں کے عہدیداران کثیر تعداد میں موجود تھے ۔انہوں نے کہاکہ ایم کیوایم ہر مذہبی مواقع پر آپ کی خدمت کیلئے حاضر ہوتی ہے اور اس بار بھی آپ کے درمیان ہوگی ۔انہوں نے کہاکہ حق پرست نمائندوں کے ذریعے آپ کے تمام مسائل کے حل کی پہلے ہی قائد تحریک جناب الطاف حسین حق پرست نمائندوں کو ہدایت جاری کردی ہے ۔انہوں نے کہاکہ عوامی خدمت کے ساتھ ساتھ مذہبی رواداری کا قیام بھی ایم کیوایم کی اولین ترجیح ہے ۔ 
 
متحدہ قومی موومنٹ حیدرآبادزون کی سوگوار کارکنان سے اظہار تعزیت 
حیدرآباد۔۔۔07 جنوری2013 ء
متحدہ قو می موومنٹ حید ر�آبا د کے زونل محمد شریف و اراکین زونل کمیٹی نے اپنے تعزیتی بیان میں ایم کیوایم شعبہ اکاؤنٹ حیدرآباد زون کے آفس سیکریٹری محمد طارق انکے بھائی اور ایم کیوایم حیدرآباد زون سیکٹر اے کے کارکن سکندرغوری سے انکی والدہ کے انتقال پر گہرے دکھ و افسوس کا اظہار کرتے ہوئے دعا کی کہ اﷲ تعالیٰ مرحومین کے درجات کو بلند فرمائے اور تمام سوگوار لواحقین کو صبر جمیل عطا فرمائے (آمین)
 
ایم کیو ایم بلاتفریق رنگ و نسل اور مذہب انسانیت کی عملی خدمت پر یقین رکھتی ہے، کامران اختر
گلبرگ لاہور میں مختلف کرسچین تنظیمی کے رہنماؤں اور پاسٹرز سے ملاقات کے موقع پر اظہار خیال
کرسچین کمیونٹی کے رہنماؤں کا سفر انقلاب کے لانگ مارچ کی حمایت اور بھرپور شرکت کا اعلان
لاہور۔۔۔۔۔7 جنوری2013
متحدہ قومی موومنٹ کی پنجاب کمیٹی کے رکن اور سابق ٹاؤن ناظم بلدیہ کامران اختر نے کہا ہے کہ ایم کیو ایم بلاتفریق رنگ و نسل اور مذہب انسانیت کی عملی خدمت پر یقین رکھتی ہے اور قائد تحریک الطاف حسین واحد لیڈر ہیں جنہوں نے کرسچین سمیت دیگر تمام مذہبی اقلیتوں کے حقوق کے لئے آواز بلند کی ہے۔ ان خیالات کا اظہار انہوں نے گلبرگ لاہور میں مختلف کرسچین تنظیموں کے رہنماؤں اور پاسٹرز سے ملاقات کے موقع پر کیا۔ اس موقع پر پاکستان کرسچین لیگ کے چیئرمین ساجد سموئیل، رہنماء لیاقت بھگت ، پاسٹر خرم شکیل اور چوہدری امین مسیح سمیت دیگررہنماء موجود تھے۔ ایم کیو ایم کے وفد میں سینٹرل ایگزیکٹو کونسل کی رکن بسمہ آصف سکھیرا، اراکین صوبائی تنظیمی کمیٹی پنجاب بشپ جاوید انجم ، منور حفیظ شاہد اور لاہور زونل انچارج ملک وسیم کھوکھر شامل تھے۔ کامران اختر نے کرسچین رہنماؤں کو 14 جنوری کے سفر انقلاب کے لانگ مارچ میں شرکت کی دعوت دی جسے ساجد سموئیل و دیگر نے قبول کرتے ہوئے کہا کہ ہم فرسودہ ، جاگیردارانہ اور وڈیرانہ نظام سے چھٹکارے اور پاکستان کی ترقی و استحکام کیلئے اس لانگ مارچ میں بھرپور شرکت کریں گے ۔ مسیحی رہنماؤں نے اقلیتوں خاص طورپر مسیحی برادری کے حقوق کے لئے آواز بلند کرنے پر قائد تحریک جناب الطاف حسین اور ایم کیو ایم کا شکریہ بھی ادا کیا۔ 
 
۔14جنوری کو ہونے والا لانگ مارچ پاکستان کے مظلوم عوام کی تقدید بدل دیگا 
جناب الطاف حسین نے ملک پر قابض جاگیردار وں ووڈیروں اور سرمایہ داروں کے ظلم و ستم کے مکمل خاتمہ اور انتخابی نظام میں اصلاحات کیلئے عوامی لانگ مارچ کی حمایت کا اعلان کیاہے 
حیدر آباد زون کے انچارج محمد شریف کا سیکٹر ایچ اور بی میں جنرل ورکرز اجلاس سے خطاب 
حیدرآباد۔۔۔07 جنوری، 2013 ء
قائدِ تحریک جناب الطاف حسین نے ملک پر قابض جاگیردار وں ووڈیروں اور سرمایہ داروں کے ظلم و ستم کے خاتمہ اور انتخابی نظام میں اصلاحات کیلئے عوامی لانگ مارچ کی حمایت کا اعلان کیا اور 14جنوری کا لانگ مارچ پاکستان کے مظلوم عوام کی تقدید بدل دیگا۔ ان خیالات کا اظہار ایم کیو ایم حیدرآبادکے زونل انچارج محمد شریف نے سیکٹر۔H,B میں جنرل ورکرز اجلاس سے خطاب کرتے ہوئے کیا ۔ اجلاس میں جوائنٹ زونل انچارج ذوالفقارعلی خانزادہ ، اراکین زونل کمیٹی مبین احمد، ظفر احمد صدیقی سیکٹر و یونٹس کے ذمہ داران و کارکنان نے کثیر تعداد میں شرکت کی۔ انہوں نے کہاکہ قائدِ تحریک اور شیخ السلام علامہ ڈاکٹر طاہر القادری کا اتحاد ملک میں رائج فرسودہ جاگیردارانہ و وڈیرانہ نظام کی تبدیلی کی نوید دے رہا ہے اور بہت جلد ملک میں عوامی انقلاب برپاہ ہوگا اور یہ عوامی انقلاب ملک میں گزشتہ 65 سالوں سے عوام کا استحصال کرنے والوں کو مستردکردیگااور اس انقلابی جدوجہد کی بدولت ملک کے غریب و متوسط طبقے کے پڑھے لکھے نوجوانوں کو ملک کے اعلیٰ ایوانوں تک رسائی حاصل ہوگی ۔انہوں نے کہا کہ ایم کیو ایم ملک میں رائج گلے سٹر ے نظام کو ختم کر کے عوام کی بحالی اور ان کے مسائل کے حل کیلئے جو ارادہ کیا ہے اس کام کو پایہء تکمیل تک پہنچانے اورعوام کو غربت و افلاس سے نجات اور امن و امان کے قیام کو مستقل بنیاد پر قائم کرنے کیلئے انقلاب کا راستہ اختیار کیا ہے ۔قائد تحریک اور علامہ ڈاکٹر طاہر القادری کی قیادت میں ملک کے 18کروڑعوام کے مسائل حل کیلئے انکاحق پرستانہ ایجنڈے سے عوام متفق ہے لہذ ا 14 جنوری کو ہونے والا لانگ مارچ یقینایہ ہی وہ حقیقی انقلاب ہے جو ملک میں غریب و متوسط طبقے سے تعلق رکھنے والے عوام کو انکے جائز حقوق کے حصول میں سنگ میل ثابت ہوگا ۔
 
پاکستان سے کرپٹ سیاسی کلچر کے خاتمہ تک ایم کیوایم کی جدوجہد جاری رہے گی۔ یاسر علی
انصاف پر مبنی نظام قائم کرنا چاہتے ہیں جس میں خلافت راشدہ کے دور کی عکاسی ہو ۔ ڈسٹرکٹ انچارج اسلام آباد
اسلام آباد۔۔۔6، جنوری 2013ء
متحدہ قومی موومنٹ اسلام آباد کے ڈسٹرکٹ انچارج یاسر علی نے کہاہے کہ ایم کیوایم پاکستان کے کرپٹ معاشرے کی اصلاح، ملک سے فرسودہ جاگیردارانہ ، وڈیرانہ،سرمایہ دارانہ نظام اور کرپٹ سیاسی کلچر کے خاتمہ کیلئے عملی جدوجہد کررہی ہے اورکرپٹ سیاسی کلچر کے خاتمہ تک ایم کیوایم کی حق پرستانہ جدوجہد جاری رہے گی ۔ یہ بات انہوں نے ڈسٹرکٹ آفس اسلام آباد میں آئے ہوئے مختلف یونٹس سے تعلق رکھنے والے ذمہ داران و کارکنان سے خطاب کرتے ہوئے کہی ، اس موقع پر اسلام آباد کمیٹی کے ذمہ داران بھی موجود تھے۔ انہوں نے کہا آج کی جدید دنیا میں انصاف پر مبنی ایسا نظام قائم کرنا ہے کہ جس میں خلافت راشدہ کے دور کی عکاسی ہو اورسب کو حق و انصاف ملے ۔انہوں نے کہاکہ ممکن ہے کہ ہم پاکستان کے دشمنوں کے مقابلے میں کمزور ہوں لیکن اللہ تعالیٰ ہمارے دلوں کا حال جانتا ہے ، اللہ تعالیٰ کو کامل علم ہے کہ ہم پاکستان کو لٹیرے اور بدعنوان عناصر سے پاک کرنا چاہتے ہیں تاکہ ہمارا ملک صحیح معنوں میں ترقی و خوشحالی کی شاہرہ پر گانزن ہوسکے اور ہمیں کامل یقین ہے کہ اللہ تعالیٰ ہماری مدد ضرورکرے گا۔
 
کاروان انقلاب اسلام آباد پہنچ کر پاکستان کے فرسودہ اور گلے سڑے نظام کو بدل کر رکھ دے گا۔ محمد نعیم
ملک میں رائج جاگیردارانہ، وڈیرانہ، سرمایہ دارانہ اور کرپٹ فرسودہ سیاسی نظام کے دن بس اب گنے جا چکے 
کارکنان انقلاب پاکستان میں اپنا بھر پور کردار ادا کرنے کے لئے تیار ہو جائیں۔ صوبائی تنظیمی کمیٹی(پنجاب)
راولپنڈی :۔۔۔۔7،جنوری2013 ء
متحدہ قومی موومنٹ صوبائی تنظیمی کمیٹی (پنجاب) کے جوائنٹ انچارج محمد نعیم نے کہا کہ طویل ، کٹھن، صبر آزما اور قربانیوں سے بھری جد و جہد نے بلا آخر پاکستان میں انقلاب کی راہیں ہموار کر دی ہیں اور انقلاب کا یہ کارواں اب اسلام آباد پہنچ کر پاکستان کے فرسودہ اور گلے سڑے نظام کو بدل کر رکھ دے گا۔ انہوں نے کہا کہ جاگیردارانہ، وڈیرانہ، سرمایہ دارانہ اور کرپٹ سیاسی نظام کے دن گنے جا چکے ہیں انہوں نے اجلاس کے شرکاء کو رابطہ کمیٹی کی جانب سے لانگ مارچ میں شرکت کے حوالے سے کئے جانے والے فیصلوں کی تفصیلات سے آگاہ کرتے ہوئے کہا کہ 14 جنوری پاکستان میں غریب اور متوسط طبقے کے انقلاب کا دن ہے ۔ اس اجلاس میں ایم کیو ایم صوبائی تنظیمی کمیٹی (پنجاب) کے جوائنٹ انچارج محمد رفیق،ممبر طاہرمحمود،ممبر جاوید چیمہ ،راولپنڈی زون ، ڈسٹرکٹ ، تحصیل کے انچارجز و اراکین کمیٹی اور کارکنان نے بڑی تعداد نے اجلاس میں شرکت کی۔انہوں نے کارکنان سے کہا کہ وہ انقلاب پاکستان میں اپنا بھر پور کردار ادا کرنے کے لئے تیار ہو جائیں۔اس موقع پر شرکاء سے گفتگو کرتے ہوئے صوبائی تنظیمی کمیٹی (پنجاب) کے جوائنٹ انچارج محمدرفیق نے کہا کہ ایم کیو ایم غریب اور متوسط طبقے کی جماعت ہے اور سفر انقلاب میں آنے والے اخراجات کے لئے عطیات جمع کرنے کی مہم جاری ہے انہوں نے صوبائی تنظیمی کمیٹی (پنجاب) کی طرف سے لانگ مارچ کے عطیہ بکس میں اپنا حصہ بھی ڈالا۔صوبائی تنظیمی کمیٹی (پنجاب) کے ممبرطاہر محمود نے کہا کہ سفرانقلاب کی کامیابی کے لئے متحدہ قومی موومنٹ کے کارکنان کا کردار اہم ترین ہے اور اب وقت آگیا ہے کہ ہم سب ملک میں نظام کی تبدیلی کے اس عمل میں اپنا حصہ لازمی ڈالیں ۔ صوبائی تنظیمی کمیٹی (پنجاب) کے ممبرجاوید چیمہ نے تمام ذمہ داران اور کارکنان کو تلقین کی کہ وہ گھر گھر جاکر انقلاب کا پیغام پہنچائیں۔ اجلاس میں شریک شرکاء نے اس عزم کا اظہار کیا کہ وہ پاکستان میں آنیوالے انقلاب کی کامیاب کیلئے عظیم مقصد کے لئے کسی بھی قربانی سے دریغ نہیں کریں گے۔ 
 
ملک بچانا ہے تو قائد تحریک جناب الطاف حُسین کے وژن کے مطابق کرپٹ اور موروثی سیاست کا خاتمہ کرنا ہوگا
جاگیرداروں ، وڈیروں ، سرمایہ داروں اور موروثی سیاستدانوں نے مل کر ملک کو تباہی کے دہانے پر پہنچادیا ہے، فرید احمد خان 
میرپور خاص۔۔۔۔۔7جنوری، 2013ء
جاگیرداروں ، وڈیروں اور ملکی دولت کی لوٹ مار کرکے راتوں رات سرمایہ دار بننے والوں نے ملک میں کرپٹ موروثی سیاست کو فروغ دیا۔ ان خیالات کا اظہار متحدہ قومی موومنٹ میرپورخاص زون کے انچارج فرید احمد خان نے اپنے ایک بیان میں کہی ۔ انہوں نے کہا کہ جاگیرداروں ، وڈیروں ، کرپشن کی پیدوار سرمایہ داروں اور کرپٹ موروثی سیاستدانوں نے مل کر ملک کو تباہی کے دہانے پر پہنچادیا ہے۔ کسی بھی قوم کا مستقبل اُسکے نوجوان ہوتے ہیں جبکہ ہمارے یہاں نوجوانوں کو نہ ختم ہونے والے مسائل کی دلدل میں دھکیل دیا گیا ہے باقائدہ منظم سازش کے ذریعے اعلیٰ تعلیم کا حصول اتنا دشوار کردیا گیا ہے کہ غریب اور متوسط طبقے کے نوجوان اعلیٰ تعلیم حاصل کرنے کا سوچ بھی نہیں سکتے۔ ملک کی صنعتیں اور کارخانے تباہی کا شکار ہیں، جسکے سبب ترقی کا عمل رُک چکا ہے ، وطن عزیز میں پائے جانے والے قدرتی وسائل کو جس بیدردی سے لوٹا جارہا اُسکی مثال نہیں ملتی بے روزگاری اور بھوک نے لوگوں کو اپنے بچے فروخت کرنے پر مجبور کردیا ہے ۔تاریخ گواہ ہے کہ جب بھی معاشرے میں طاقتور لوگ غریب اور مجبور لوگوں کا استحصال کرنے لگیں اور ان پر خوشحالی اور عزت سے زندگی گزارنے کے دروازے بند کردئے جائیں تو پھر ایسے معاشرے میں تبدیلی ناگزیر ہوجایا کرتی ہے اور پھر گلی محلوں اور سڑکوں پر انقلاب انقلاب کی صدائیں گونجنے لگتیں ہیں ۔انہوں نے کہا کہ ملک کی بقاء و سلامتی کیلئے ترقی ، خوشحالی اور خود مختاری ناگزیر ہوچکی ہے اور ان حالا ت میں اگر ملک بچانا ہے تو پھرایم کیوایم کے قائد جناب الطاف حُسین کے وژن کے مطابق عمل کرتے ہوئے کرپٹ اور موروثی سیاست کا خاتمہ کرنا ہوگا اور غریب اور متوسط طبقے سے تعلق رکھنے والے ایماندار اور تعلیم یافتہ نوجوانوں کو انکا حق دلانا ہوگا وگرنہ وہ دن دور نہیں جب ملک کے نوجوان اپنے جائز حقوق کے حصول کیلئے جاگیرداوروں ، وڈیروں ، سرمایہ داروں اور کرپٹ موروثی سیاستدانوں کے تخت گرائیں گے اور تاج اُچھالیں گے۔ 
 
قائد تحریک جناب الطاف حسین کا فکر و فلسفہ ملک بھر کی عوام کے دلوں میں گھر کر چکا ہے ۔ سید محمد علی شاہ 
ٹنڈو الہ یار۔۔۔۔۔ 7 جنوری2013ء 
انقلابی لانگ مارچ کی متوقع کامیابی کے خوف نے دو فیصد مراعات یافتہ طبقے کو شدید خوف اور بوکھلاہٹ میں مبتلا کردیا ہے۔ ان خیالات کا اظہار ایم کیو ایم ٹنڈو الہ یار زون کے زونل انچارج سید محمد علی شاہ نے یونٹ 2-Aمیں منعقدہ جنرل ورکرز اجلاس کے شرکاء سے خطاب کے دوران کیا ۔ انہوں نے انتہائی پرعزم انداز میں کہا کہ استحصالی قوتیں تمام تر ہتھکنڈوں اور منفی ، بے بنیاد اور بے سروپا پروپیگنڈوں کے باوجود عوام کے دلوں سے قائد تحریک جناب الطاف حسین کی محبت مٹانا تو کجا کم بھی نہیں کرسکی ہیں۔ اس موقع پر انکے ہمراہ موجود اراکین زونل کمیٹی ثاقب احمد خانزادہ اور ارسلان خانزادہ نے بھی شرکاء سے مختصر گفتگو کی ۔ انہوں نے مزید کہا کہ تمام تر ریاستی جبر و ستم کے باوجود ایم کیو ایم نے ظلم کے خلاف آواز حق بلند کرنے کا سلسلہ ہر دور میں جاری و ساری رکھا ۔ جرم حق پرستی کی پاداش میں ایم کیو ایم کے خلاف نت نئی سازشوں اور الزام تراشیوں کا سلسلہ روز اول کی طرح آج بھی جاری ہے ۔ انہوں نے کہا کہ ملک کے کونے کونے سے فرسودہ سیاسی نظام کی تبدیلی کے نعرے بلند ہونا اس حقیقت کی دلیل ہے کہ قائد تحریک جناب الطاف حسین کا فکر و فلسفہ ملک بھر کی عوام کے دلوں میں گھر کر چکا ہے ۔ اٹھانوے فیصد غریب اور متوسط طبقے سے تعلق رکھنے والی عوام اب اس حقیقت سے بخوبی واقف ہو چکی ہے کہ انہیں فرسودہ جاگیردارانہ نظام سے قائد تحریک الطاف حسین ہی نجات دلا سکتے ہیں ۔ انہوں نے کہا کہ 14جنوری کا مارچ پاکستان کو غاصبوں ، لٹیروں اور موروثی سیاست کے علمبرداروں سے ہمیشہ ہمیشہ کے لئے نجات دلانے کا باعث ہو گا۔ اور اس دن پاکستان کی عوام ایک نئی تاریخ رقم کر کے پاکستان کو حقیقی جمہوریت کی شاہراہ پر گامزن کریں ۔
 
 
*****
 
 

12/4/2016 2:15:05 AM