محرم الحرام میں فرقہ وارانہ ہم آہنگی برقرار رکھنے کیلئے ایم کیوایم کے زیراہتمام تمام مکاتب فکر کے علمائے کرام کا اجتماع 23اکتوبر جمعرا ت کو لال قلعہ گراؤنڈ عزیز آباد میں ہوگا

کراچی ۔۔۔22، اکتوبر2014ء 

متحدہ قومی موومنٹ کے زیر اہتمام ہر سال کی طرح امسال بھی محرم الحرام کے مہینے میں فرقہ وارانہ ہم آہنگی برقرار رکھنے اور مذہبی رواداری کے قیام کیلئے تمام مکاتب فکر سے تعلق رکھنے والے علمائے کرام کا اجتماع مورخہ23اکتوبر2014ء بروز جمعرات 3:30بجے لال قلعہ گراؤنڈ عزیز آباد میں ہوگا جس سے ایم کیوایم کے قائد جناب الطاف حسین خصوصی خطاب کریں گے۔ ایم کیوایم کی علماء کمیٹی کی جانب سے اجتماع میں شرکت کیلئے مختلف علمائے کرام سے ملاقاتوں اور دعوت دینے کا سلسلہ جاری ہے جبکہ لال قلعہ گراؤنڈ عزیزآباد میں اجتماع کے انتظامات بھی مکمل کرلئے گئے ہیں ۔