Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

کل بروزہفتہ شام 5بجے جنرل ورکرزاجلاس سے اہم خطاب کروں گا۔الطاف حسین


کل بروزہفتہ شام 5بجے جنرل ورکرزاجلاس سے اہم خطاب کروں گا۔الطاف حسین
 Posted on: 9/27/2014
کارکنوں ہمدردوں، ماؤں بہنوں بزرگوں سے اہل وطن سے اپیل کروں گاکہ اجلاس میں بھرپورتعدادمیں شریک ہوں
صحافی بھائیوں اوراینکرپرسنزسے گزارش کرتاہوں کہ آپ مجھ پر تنقیدکریں لیکن میری بات ضرورسنیں اوراس پر غورکریں 
مسلح افواج کاہرطرح کاساتھ دیا لیکن اسٹیبلشمنٹ ،اسکے اداروں اورایجنسیوں نے ہمارے جذبات کی قدرنہیں کی
میں اب تک نہیں سمجھ سکاکہ اسٹیبلشمنٹ کے بعض لوگوں کو ایم کیوایم سے کیابغض وبیر ہے
جب بھی میں ایم کیوایم کی تطہیر کیلئے تنظیم نو کرتاہوں اورایم کیوایم سے چوراچکوں کی صفائی کاعمل شروع کرتاہوں تواسٹیبلشمنٹ کی جانب سے ایم کیوایم کے خلاف حرکتیں شروع ہوجاتی ہیں

لندن۔۔۔ 26 ستمبر2014ء
متحدہ قومی موومنٹ کے قائدجناب الطاف حسین نے کہاہے کہ میں کل بروزہفتہ شام 5بجے جنرل ورکرزاجلاس سے موجودہ صورتحال کے حوالے سے اہم خطاب کروں گا اورقوم سے اپنے دل کی باتیں کروں گا۔اپنے ایک بیان میں انہو ں نے کہاکہ ایم کیوایم نے پاکستان کی ترقی وخوشحالی کیلئے بھرپورکرداراداکیاہے اورکررہی ہے،1978ء میں آل پاکستان مہاجراسٹوڈینٹس آرگنائزیشن قائم کی گئی جسے عوامی سطح پر تبدیل کرتے ہوئے 1984ء میں مہاجرقومی موومنٹ قائم کی گئی ۔ پھرپورے ملک کے محروم ومظلوم عوام کے حقوق کیلئے اس کادائرہ وسیع کرتے ہوئے اسے متحدہ قومی موومنٹ میں تبدیل کردیاگیا۔اس روزسے لیکرآج تک متحدہ قومی موومنٹ دن دوگنی رات چوگنی ترقی کرتی جارہی ہے۔پورے ایم کیوایم واحد جماعت ہے جس نے شمالی وزیرستان میں دہشت گردوں کے خلاف جنگ لڑنے والی مسلح افواج کاہرطرح کاساتھ دیا، ان کیلئے ملین ریلی نکالی ،کروڑوں لوگوں کے سامنے کھڑے ہوکرمسلح افواج کو سیلوٹ پیش کیا،ہم نے کسی پر احسان نہیں کیا، یہ ہمارافرض تھا مگربدقسمتی سے پاکستان کی اسٹیبلشمنٹ اوراس کے اداروں اورعسکری ایجنسیوں نے ہمارے جذبات کی قدرنہیں کی، میں اب تک نہیں سمجھ سکاکہ اسٹیبلشمنٹ کے بعض لوگوں کو ایم کیوایم سے کیابغض وبیر ہے کہ جب بھی میں ایم کیوایم کی تطہیر کیلئے تنظیم نو کرتاہوں اورایم کیوایم سے چوراچکوں کی صفائی کاعمل شروع کرتاہوں یاکارکنوں کی فکری تربیت کیلئے فکری نشستیں کرتاہوں تواسٹیبلشمنٹ کی جانب سے ایم کیوایم کے خلاف حرکتیں شروع ہوجاتی ہیں، فسادات، ٹارگٹ کلنگز کی شکل میں رکاوٹیں ڈالی جانے لگتی ہیں۔جناب الطا ف حسین نے اعلان کیاکہ میں کل ( بروزہفتہ ) شام پانچ بجے کارکنوں کے اجلاس میں دل کی باتیں کروں گا اوربتاؤں گاکہ اسٹیبلشمنٹ کس طرح اسلام آبادمیں تواحتجاج کرنے والوں سے نرمی سے پیش آتی ہے لیکن کراچی میں ایم کیوایم کے بے گناہ لوگوں کوگرفتارکرکے تشددکیاجاتاہے،کتنی ہی مائیں اپنے بیٹوں کی گرفتاریوں اورتشددکے صدمے کے باعث ہارٹ اٹیک کاشکارہوچکی ہیں۔ میں تمام کارکنوں ہمدردوں، ماؤں بہنوں بزرگوں سے اہل وطن سے اپیل کروں گاکہ وہ اجلاس میں بھرپورتعدادمیں شریک ہوں۔ انہوں نے کہاکہ میں صحافی بھائیوں اوراینکرپرسنزسے گزارش کرتاہوں کہ آپ مجھ پر تنقیدکریں لیکن میری بات ضرورسنیں اوراس پر غورکریں، بنگالیوں پر بھی بہت تنقید کی گئی تھی اورظلم کانشانہ بنایاگیا تھا لیکن یادرکھئے کہ اللہ تعالیٰ بہتر انصاف کرنے والاہے۔ ۔جناب الطا ف حسین نے کہاکہ میں آج بھی پاکستا ن کے لئے دعاگوہوں کہ وہ غیرمتعصب جرنیلوں کو آگے لیکر آئے جواپنے گھربھرنے کے بجائے قوم کے لوگوں کے بھوکے پیٹ بھرنے کیلئے کام کریں۔
10/12/2026 12:25:48 PM