جناب الطاف حسین کی ہدایت پرخدمت خلق فاؤنڈیشن نے دو ایمبولینسیں ڈیفنس کلفٹن ریذڈنٹس کمیٹی کے حوالے کردی گئیں

کراچی۔۔۔22ستمبر2014ء

قائد تحریک جناب الطاف حسین کی ہدایت پرایم کیوایم رابطہ کمیٹی کے ڈپٹی کنوینر ڈاکٹر خالد مقبول صدیقی نے خدمت خلق فاؤنڈیشن کی جانب سے دو ایمبولیسوں کی چابیاں ڈیفنس کلفٹن ریزیڈنٹ کمیٹی کے انچارج اختر بلگرامی کے حوالے کردی گئیں۔اس سلسلے میں پیر کے روز کلفٹن دو تلوار پر واقع ڈی سی آر سی کے آفس میں منعقدہ تقریب کا انعقاد کیا گیا ،جس میں ایم کیو ایم کی رابطہ کمیٹی کے اراکین سید امین الحق ،رشید گوڈیل ، وسیم اختر ،حق پرست رکن قومی اسمبلی علی راشد ،ایم پی اے سمیتا افضال،سابق حق پرست رکن قومی اسمبلی خوش بخت شجاعت ،ڈیفنس کلفٹن ریزیڈیٹس کمیٹی کے اراکین سمیت کلفٹن اور ڈیفنس کے رہائشیوں نے بڑی تعداد میں شرکت کی۔تقریب کے شرکاء سے ڈاکٹر خالد مقبول صدئقی نے اظہار خیال کرتے ہوئے کہا کہ قائد تحریک جناب الطاف حسین نے انسانیت کی خدمت سیاست کے آغاز سے پہلے کی یہی وجہ ہے کہ خلق فاؤنڈیشن کی بنیاد بھی ایم کیو ایم سے پہلے ڈالی گئی۔آج خدمت خلق فاؤنڈیشن کا گراف کراچی شہر سے نکل کر صوبہ سندھ اور پھر پورے پاکستان میں پھیل چکا ہے،ملک میں زلزلہ کی تبا ہ کاریاں ہوں یا سیلاب سے پیدا ہونے والی صورتحال ہر جگہ ہر مقام پر قائد تحریک کی ہدایت پر ایم کیو ایم کے کارکنان سب سے پہلے اپنے بھائیوں کی مدد کے لئے موجود ہوتے ہیں۔خالد مقبول صدیقی نے کہا کہ ایم کیو ایم کے ہزاروں کارکنان آج بھی صوبہ پنجاب میں سیلاب سے پیدا ہونے والی صورتحال پر اپنے پنجابی بھائیوں کی مدد اور انکی امداد کیلئے پہنچے ہوئے ہیں،یہی جناب الطاف حسین کا درس اور ویژن ہے کہ بغیر رنگ نسل و مذہب خدمت کی جارہی ہے۔انہوں نے کہا کہ ملک یا بیرون ملک میں کوئی بھی نا گہانی حادثات یا قدرتی آفات آجائے تو ایم کیو ایم اپنی سیاست کا رخ خدمت کی جانب موڑ لیتی ہے۔داکٹر خالد مقبول صدیقی نے کہا کہ خدمت خلق فاؤنڈیشن اس علاقہ میں ڈسپنسریوں کے قیام کا بھی منصوبہ رکھتی ہے اور چند ہی دنوں میں کے کے ایف کی جانب سے میت بس بھی ڈی سی آر سی کے حوالے کردی جائے گی حالانکہ یہ بات بھی اہم کے کہ حق پرست نمائندئے اس علاقے سے منتخب نہیں ہوئے اسکے باوجود قائد تحریک اسے اپنا فرض سمجھتے ہیں۔