سمنڊ ڪناري ٻڏڻ ۽ گجرانوالا ۾ ڪرنٽ لڳڻ جي ڪري ڪجھ ماڻهن جي هلاڪ ٿيڻ تي ايم ڪيو ايم رابطا ڪميٽي جي طرفان افسوس جو اظهار.
ڪراچي؛ 30 جولائي 2014
متحده قومي موومينٽ جي رابطا ڪميٽي سمنڊ ڪناري ٻڏي ڪري ڪجھ ماڻهن جي هلاڪ ٿيڻ جي واقعي تي وڏي ڏک ۽ افسوس جو اظهار ڪيو آهي.پنهنجي هڪ بيان ۾ رابطا ڪميٽي چيو ته قيمتي انساني جانين جو تحفظ حڪومت جي اولين ذميواري آهي.سمنڊ ۾ ڪيترائي ماڻهو ٻڏڻ جي ڪري پنهنجين جانين کان هٿ ڌوئي چڪا آهن پر حڪومت جي طرفان عوام جي حفاظت جي لاءِ ڪي به ڪوششون ڏسڻ ۾ نه ٿيون اچن.رابطا ڪميٽي سنڌ حڪومت کان مطالبو ڪيو ته اها سمنڊ ڪناري تفريح جي لاءِ ايندڙ ماڻهن جي تحفظ جي لاءِ فوري طور تي قدم کڻي ۽ اتي لائيف گارڊ مقرر ڪيا وڃن.ان کان علاوه رابطا ڪميٽي گجرانوالا ۾ ڪرنٽ لڳڻ جي ڪري معصوم ٻارن جي هلاڪت تي وڏي ڏک ۽ افسوس جو اظهار ڪيو آهي ۽ دعا ڪئي آهي ته الله تعالٰي هلاڪ ٿيندڙ معصوم ٻارن کي پنهنجي جوار رحمت ۾ اعلٰي مقام عطا فرمائي ۽ پونئرن کي اهو صدمو برداشت ڪرڻ جو حوصلو عطا فرمائي.آمين.