جناب الطاف حسين هميشه سرائيڪي عوام جي حقن جي لاءِ آواز بلند ڪئي آهي. رابطا ڪميٽي ميمبر عبدالحسيب جي ملتان هائوس ۾ ڳالھ ٻولھ.
لاهور؛ 24 جولائي 2014
متحده قومي موومينٽ جي رابطا ڪميٽي جي ميمبر عبدالحسيب چيو آهي ته قائد تحريڪ جناب الطاف حسين سرائيڪي عوام جي حقن جي لاءِ هميشه آواز بلند ڪئي آهي. انهن جو چوڻ هو ته جناب الطاف حسين سرائيڪي صوبي جي قيام جي لاءِ کوکلن نعرن سان عوام جي دل آزاري نه ڪئي بلڪه ملڪ جي ايوانن ۾ پنهنجن چونڊيل نمائندن جي ذريعي سرائيڪي صوبي جي قيام جي قرارداد منظور ڪرائي. انهن خيالن جو اظهار انهن ايم ڪيو ايم ملتان هائوس ۾ جنوبي پنجاب ۽ ضلعي ملتان جي ڪميٽي سان ملاقات جي دوران ڪيو. ان موقعي تي صوبائي تنظيمي ڪميٽي پنجاب جو انچارج ارشاد ظفير به انهن سان گڏ هو.عبدالحسيب چيو ته جنوبي پنجاب جي آبادي 5 ڪروڙن کان وڌيڪ آهي پر افسوس جي ڳالھ اها آهي ته آبادي جي حساب سان اسپتالن ۽ يونيورسٽين جي تعداد تمام گهٽ آهي. انهن چيو ته تمام جلد جاگيردارن ، وڏيرن ۽ ڪرپٽ سياستدانن جو خاتمو ٿيندو.
*****