قائد تحريڪ جناب الطاف حسين جي هدايت تي ڪي ڪي ايف حيدرآباد جي زير اهتمام سالانه امدادي پروگرام جو انعقاد.
امدادي پروگرام ۾ 4000 هزار کان وڌيڪ يتمين، مسڪينن، بيوائن ۽ معذور ماڻهن ۾ ڪروڙين روپين جو امدادي سامان ورهايو ويو.
حيدرآباد؛ 22 جولائي 2014
قائد تحريڪ جناب الطاف حسين جي هدايت تي خدمت خلق فائونڊيشن حيدرآباد جي زير اهتمام نرسري پارڪ لطيف آباد نمبر 6 ۾ 4000 هزار کان وڌيڪ مسڪينن، معذورن، بيوائن ۽ يتيمن ۾ ڪروڙين روپين جو امدادي سامان ورهايو ويو. جنهن ۾ سلائي مشينون، فروٽ ۽ سبزين سان ڀريل گاڏا، سائيڪلون. وهيل چيئرز،ڪولرَ، پکا، پيڊسٽل فينَ، راشن جا ٿيلا، پائڻ جا ڪپڙا ۽ روڪ رقم ورهائي وئي .ان موقعي تي رابطا ڪميٽي ڊپٽي ڪنوينر ڊاڪٽر خالد مقبول صديقي، رابطا ڪميٽي ميمبرَ ڊاڪٽر صغير احمد، سيد شاڪر علي، اشفاق منگي، عبدالحسيب، سنڌ تنظيمي ڪميٽي انچارج عمر قريشي، حيدرآباد زونل انچارج نويد شمسي، حق پرست نمائندا، پي پي ضلعي حيدرآباد جو صدر امان الله سيال، شهر جي معزز شخصيتن، صحافين، عوام ۽ ڪارڪنن وڏي تعداد ۾ شرڪت ڪئي.امدادي پروگرام جي آخر ۾ شهر جي معززن ۽ عوام ڪي ڪي ايف جي امدادي پروگرام کي ساراهيندي چيو ته جناب الطاف حسين جي طرفان غريبن ، مسڪينن، يتيمن ۽ بيوائن جي خدمتن کي ڪنهن به صورت ۾ فراموش ڪري نه ٿو سگهجي ۽ ڏکايل انسانيت جي خدمت ڪرڻ تي جناب الطاف حسين کي اسان خراج تحسين پيش ڪريون ٿا.
*****