ملائشيا جي مسافر جهاز جي دردناڪ حادثي جي نتيجي ۾ درجنين ٻارڙن سميت 295 مسافرن جي هلاڪ ٿيڻ تي ايم ڪيو ايم جي قائد جناب الطاف حسين جي طرفان افسوس جو اظهار.

لنڊن؛ 18 جولائي 2014

            متحده قومي موومينٽ جي قائد جناب الطاف حسين ملائشيا جي مسافر جهاز جي تباهي جي دردناڪ واقعي جي نتيجي ۾ درجنين ٻارڙن سميت 295 مسافرن جي هلاڪ ٿيڻ تي دلي افسوس جو اظهار ڪيو آهي. ملائشيا جي وزير اعظم نجيب رزاق جي نالي پنهنجي هڪ خط ۾ جناب الطاف حسين فرمايو ته مان ايم ڪيو ايم جي ذميوارن ۽ ڪارڪنن سميت پوري پاڪستاني قوم جي طرفان ان دردناڪ واقعي تي دلي تعزيت ۽ افسوس جو اظهار ڪريان ٿو. اهو هڪ وڏو سانحو آهي جنهن تي جيترو به افسوس ڪيو وڃي اهو گهٽ آهي. انهن اقوام متحده جي سيڪريٽري جنرل بان ڪي مون کي به اپيل ڪئي ته اهي ملائشيا جي جهاز جي دردناڪ واقعي جي اعلٰي سطحي تحقيقات جي لاءِ اقوام متحده جو اعلٰي سطحي ڪميشن قائم ڪن ۽ ان تحقيقات کان پوري دنيا جي عوام خصوصن ملائشيا جي ڏکايل عوام کي آگاھ ڪيو وڃي.