ايم ڪيو ايم جي زير اهتمام گلشن اقبال ، لائينز ايريا ۽ سرجاني ٽائون ۾ الڳ الڳ افطار ڊنرز جو انعقاد.
ڪراچي؛ 18 جولائي 2014
متحده قومي موومينٽ جي گلشن اقبال سيڪٽر، لائينز ايريا ۽ سرجاني سيڪٽر جي زير اهتمام الڳ الڳ افطار ڊنرز جو اهتمام ڪيو ويو.جنهن ۾ ايم ڪيو ايم جي رابطا ڪميٽي جي ميمبرن سيد امين الحق، عادل صديقي، توصيف خانزاده ، خالد سلطان، سينيٽر تنويرالحق ٿانوي ۽ ٻين کان علاوه علائقن جي معزز شخصيتن وڏي تعداد ۾ شرڪت ڪئي.افطار ڊنرز کي خطاب ڪندي رابطا ڪميٽي ميمبرن چيو ته ايم ڪيو ايم روايتن کي ٽوڙيندڙ جماعت آهي ۽ ملڪ کان فرسوده، جاگيرداراڻه ۽ موروثي سياسي نظام جي خاتمي جي لاءِ جدوجهد ڪري رهي آهي ته جيئن پاڪستان کي حقيقي لحاظ کان قائد اعظم محمد علي جناح جو پاڪستان بڻائي سگهجي جتي هر مذهب ۽ فقه سان تعلق رکڻ واري ماڻهو کي آزادي حاصل هجي ۽ ملڪ ۾ امن و محبت جي فضا قائم ٿي سگهي.انهن چيو ته جناب الطاف حسين پنهنجي سياسي جدوجهد جي آغاز کان ئي وٺي ڪري انسانيت جي خدمت ڪئي آهي ۽ پنهنجن ڪارڪنن کي به سياست برائي خدمت ڪرڻ جو درس ڏنو آهي. اها ئي وجه آهي ته اسيمبلين جا حق پرست ميمبرَ پنهنجن پنهنجن علائقن ۾ عوام جي بغير ڪنهن فرق جي خدمت ڪري رهيا آهن. افطار ڊنر جي شرڪاء ايم ڪيو ايم جي افطار ڊنرز جي انعقاد کي ساراهيندي جناب الطاف حسين سان تشڪر جو اظهار به ڪيو.