ڪراچي جي ڌاٻيجي پمپنگ اسٽيشن تي 72 انچ قطر جي پائيپ لائين ڦاٽڻ جي ڪري پاڻي جي گهٽتائي تي سنڌ اسيمبلي جي حق پرست ميمبرن جي طرفان ڳڻتي جو اظهار.

ڪراچي؛ 15 جولائي 2014

           سنڌ اسيمبلي جي حق پرست ميمبرن ڪراچي کي پاڻي جي سپلائي ڪرڻ واري ڌاٻيجي پمپنگ اسٽيشن تي 72 انچ قطر جي پائيپ لائين ڦاٽڻ جي ڪري چئن ڏينهن تائين پاڻي جي فراهمي معطل رهڻ ۽ 50  ملين گيلن پاڻي روزانه جي بنياد تي گهٽ ملڻ تي وڏي ڳڻتي جو اظهار ڪيو آهي. پنهنجي هڪ بيان ۾ انهن چيو ته هڪ ته شهر پهرين ئي پاڻي جي قلت جو شڪار آهي ۽ ٻيو وري پاڻي  سپلائي ڪرڻ واري پائيپ لائين ڦاٽڻ جي ڪري رمضان شريف جي مهيني ۾ عوام پاڻي کان محروم آهي ۽ پاڻي جي عدم فراهمي جي ڪري عوام ۾ وڏي ڳڻتي پاتي وڃي ٿي. انهن چيو ته پائيپ لائين جي جلد کان جلد مرمت ڪرائي وڃي ته جيئن عوام کي پاڻي جي فراهمي ممڪن ٿي سگهي.انهن گورنر سنڌ ڊاڪٽر عشرت العباد، وزير اعلٰي سنڌ سيد قائم علي شاھ ۽ صوبائي وزير بلديات کي اپيل ڪئي ته اهي ڌاٻيجي پمپنگ اسٽيشن جي 72 انچ پائيپ لائين جي فوري طور تي مرمت ڪرائين ته جيئن رمضان شريف جي مهيني ۾ عوام کي پاڻي جي فراهمي ممڪن ٿي سگهي