جناب الطاف حسين جون قائدانه صلاحيتون ڪنهن به تعريف جون محتاج نه آهن. ايم ڪيو ايم رابطا ڪميٽي ميمبرَ ڪنور نويد، رشيد گوڏيل ۽ ڊاڪٽر صغير احمد جو پي آئي بي ، ڪورنگي ۽ نارٿ ڪراچي سيڪٽر ۾ افطار پارٽين کي خطاب.
ڪراچي؛ 15 جولائي 2014
متحده قومي موومينٽ جي رابطا ڪميٽي چيو آهي ته جناب الطاف حسين جون قائدانه صلاحيتون ڪنهن به تعريف جون محتاج نه آهن ۽ انهن تمام تر رڪاوٽن ۽ سازشن جي باوجود حق پرستي جي تبليغ ڪري ملڪ جي سياست جي نه صرف رنگ ۽ ڍنگ کي بدليو آهي پر ملڪ ۾ رائج فرسوده جاگيرداراڻه نظام کي به جهنجهوڙي چڏيو آهي. انهن خيالن جو اظهار رابطا ڪميٽي ميمبرن ڪنور نويد جميل، رشيد گوڏيل ۽ ڊاڪٽر صغير احمد ايم ڪيو ايم ڪورنگي، پي آئي بي ۽ نارٿ ڪراچي سيڪٽرن جي زير اهتمام منعقد ڪيل افطار پارٽين کي خطاب ڪندي ڪيو.افطار پارٽين ۾ سياسي، سماجي ۽ ڪاروباري شخصيتن ۽ ٻين وڏي تعداد ۾ شرڪت ڪئي.رابطا ڪميٽي افطار پارٽين کي خطاب ڪندي چيو ته جناب الطاف حسين پاڪستان جا اهي اصول پرست رهنما آهن جن ڪڏهن به مظلوم عوام جي حقن تي سودي بازي نه ڪئي آهي ۽ انهي ڏوھ ۾ ايم ڪيو ايم ۽ ان جي ڪارڪنن کي هر دور ۾ ظلم ۽ ڏاڍ جو نشانو بڻايو ويندو رهيو آهي. رابطا ڪميٽي چيو ته جناب الطاف حسين جي مشن و مقصد ۽ نظرئي جي بقا جي لاءِ ايم ڪيو ايم جا ڪارڪنَ پنهنجين جانين جا نذرانا پيش ڪري رهيا آهن ۽ قيد جون تڪليفون به برداشت ڪري رهيا آهن پر انهن تمام تر ظلمن جي باوجود ايم ڪيو ايم جي ڪارڪنن جا حوصلا اڄ به بلند آهن. رابطا ڪميٽي افطار پارٽين جي شرڪاء کي اپيل ڪئي ته اهي جناب الطاف حسين جي ڏکايل انسانيت جي خدمت جي مشن ۾ وڌي چڙهي ڪري حصو وٺن ۽ ڪي ڪي ايف کي وڌ ۾ وڌ تعداد ۾ زڪوات ۽ فطري جا عطيات ڏين. ان موقعي تي حق پرست ميمبر علي راشد ۽ وسيم قريشي به موجود هئا