شهر ۾ هٿيار بند ٽولن جي مارڪيٽن ۾ لٽ مار جي وڌندڙ وارداتن تي ايم ڪيو ايم رابطا ڪميٽي جي طرفان مذمت جو اظهار.
ڪراچي؛ 15 جولائي 2014
متحده قومي موومينٽ جي رابطا ڪميٽي رمضان شريف جي مهيني ۾ ڪراچي جي مختلف علائقن ۾ موٽر سائيڪل سوار دهشت گرد ٽولن جي طرفان مارڪيٽن ۾ لٽ مار جي وڌندڙ وارڌاتن جي سخت ترين لفظن ۾ مذمت ڪئي آهي. پنهنجي هڪ بيان ۾ رابطا ڪميٽي چيو ته عيد جي آمد آمد آهي ۽ مارڪيٽن ۾ ماڻهو پنهنجين فيملين سان گڏ خريداري جي لاءِ وڃي رهيا آهن ۽ اهڙي موقعي تي شهر جي مارڪيٽن ۾ لٽ مار جي وڌندڙ وارڌاتن تي عوام ۾ وڏي ڳڻتي ۽ عدم تحفظ پاتو وڃي ٿو. رابطا ڪميٽي شهر ۾ هٿيار بند ٽولن جي هٿان لٽجندڙ دڪاندارن ۽ عوام سان همدردي جو اظهار ڪيو ۽ انهن کي پنهنجي طرفان هر ممڪن تعاون جو يقين ڏياريو.رابطا ڪميٽي گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته مارڪيٽن ۾ لٽ مار جي وڌندڙ وارڌاتن جي روڪٿام جي لاءِ فوري طور تي سخت قدمَ کنيا وڃن ۽ عيد جي خريداري جي لاءِ بازارن ۾ اچڻ وڃڻ وارن خاندانن کي ڏوهارين کان مڪمل تحفظ فراهم ڪيو وڃي