ايم ڪيو ايم جي رابطا ڪميٽي جي ميمبر عادل صديقي جي سوٽ (ڀيڻ) جي وفات تي رابطا ڪميٽي جي طرفان افسوس جو اظهار.
ڪراچي؛ پهرين جولائي 2014
ايم ڪيو ايم جي رابطا ڪميٽي جي ميمبر ۽ حق پرست صوبائي مشير عادل صديقي جي سوٽ(ڀيڻ) جي وفات تي رابطا ڪميٽي وڏي ڏک ۽ افسوس جو اظهار ڪيو آهي. پنهنجي هڪ تعزيتي بيان ۾ رابطا ڪميٽي عادل صديقي ۽ مرحومه جي تمام سوگوار پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي مرحومه جي مغفرت فرمائي ۽ انهن کي پنهنجي جوار رحمت ۾ اعلٰي مقام عطا فرمائي. ان کان علاوه مرحومه کي سخي حسن قبرستان ۾ مٽي ماءُ حوالي ڪيو ويو ۽ انهن جي جنازي نماز بهزاد لکنوي مسجد سخي حسن نارت ناظم آباد ۾ ادا ڪئي وئي. جنازي نماز ۽ تدفين ۾ رابطا ڪميٽي ڊپٽي ڪنوينر انجنيئر ناصر جمال، رابطا ڪميٽي ميمبرن ڪهف الورٰي، اشفاق منگي ۽ اسيمبلين جي حق پرست ميمبرن کان علاوه مرحومه جي مٽن مائٽن ۽ ڪارڪنن وڏي تعداد ۾ شرڪت ڪئي.****