پاڪ فوج سان يڪجهتي جي اظهار جي لاءِ ٿيندڙ جلسو ملڪ دشمنن جي تابوت ۾ آخري ڪوڪو ثابت ٿيندو.ايم ڪيو ايم آمريڪا.
شڪاگو؛ پهرين جولائي 2014
ايم ڪيو ايم آمريڪا جي سينٽرل آرگنائيزر جنيد فهمي، جوائنٽ آرگنائيزر محمد ارشد حسين ،نديم صديقي ۽ ٻين 6 جولائي تي پاڪ فوج سان يڪجهتي جي اظهار جي لاءِ ٿيندڙ جلسي کي پوري قوم کي مذهبي انتها پسندي ۽ دهشت گردي جي خلاف متحد ڪرڻ جي تاريخ ساز ڪوشش قرار ڏنو آهي.انهن چيو ته پاڪ فوج سان يڪجهتي جي لاءِ ڪراچي ۾ ٿيندڙ جلسو ملڪ دشمنن جي تابوت ۾ آخري ڪوڪو ثابت ٿيندو.پنهنجي هڪ گڏيل بيان ۾ انهن چيو ته اڄ جڏهن پاڪ فوج دهشت گردي جي خاتمي جي لاءِ اتر وزيرستان ۾ فيصله ڪن آپريشن ڪري رهي آهي،ته اها اسان جي سياسي قيادت جي اولين ذميواري آهي ته اها پنهنجي بهادر فوجي جوانن ۽ آفيسرن جو کلي ڪري ساٿ ڏي. انهن چيو ته قائد تحريڪ جناب الطاف حسين ملڪ جي بقا و سلامتي جي لاءِ پاڪ فوج سان گڏ بيهي ڪري اهو ثابت ڪري چڏيو آهي ته اهي پاڪستان جي رياست کي سياست کان وڌيڪ مقدم ۽ محترم سمجهن ٿا.سينٽرل ڪميٽي ۽ چيپٽر انچارجن وڌيڪ چيو ته ايم ڪيو ايم جي طرفان پاڪ فوج سان يڪجهتي جي اظهار جي جلسي جي اعلان کان پوءِ آمريڪا ۾ رهندڙ پاڪستاني ڪميونٽي ۾ زبردست جوش و خروش پاتو وڃي ٿو ۽ پاڪستاني برادري ان کي انتهائي بروقت فيصلو قرار ڏنو آهي. انهن پاڪستان جي غيور عوام کي اپيل ڪئي ته اهي پاڪ فوج سان يڪجهتي جي اظهار جي لاءِ 6 جولائي تي ٿيندڙ تاريخي جلسي ۾ شريڪ ٿي ڪري پاڪستان کي بچائڻ جي جدوجهد ۾ پنهنجو قومي ڪردار ادا ڪن.آخر ۾ انهن آپريشن ضرب عضب جي ڪاميابي جي لاءِ دعا ڪئي ۽ ايم ڪيو ايم آمريڪا جي هزارين ڪارڪنن ۽ همدردن جي طرفان پاڪ فوج کي پنهنجي مڪمل حمايت جو يقين ڏياريو.