اتر وزيرستان جي متاثر ٿيندڙ ماڻهن جي لاءِ قائد تحريڪ جناب الطاف حسين جي هدايت تي ايم ڪيو ايم ضلع بنون جي زيراهتمام امدادي ڪيمپ جو انعقاد.
بنون؛ 26 جون 2014
متحده قومي موومينٽ جي قائد جناب الطاف حسين جي هدايت جي روشني ۾ اتر وزيرستان آپريشن سان متاثر ٿيندڙ لکين ماڻهن (آئي ڊي پيز) جي امداد جي لاءِ خيبرپختونخواھ ۾ ايم ڪيو ايم بنون ضلع جي زير اهتمام بنون ۾ امدادي ڪيمپ قائم ڪيو ويو آهي. ميرانشاھ امدادي ڪيمپ تي روز مره جون کاڌي پيتي جون شيون اٽو، چانور، دالون، کنڊ، چانهن جي پتي، مصالحا، گيھ، تيل ۽ منرل واٽر سميت جان بچائڻ واريون دوائون به موجود آهن. ان کان علاوه ايم ڪيو ايم بنون ضلع جي انچارج عمران ورما جي سربراهي ۾ اهم اجلاس منعقد ٿيو. جنهن ۾ بنون ضلعي ڪميٽي جي ميمبرن کان علاوه ڪارڪنن وڏي تعداد ۾ شرڪت ڪئي. اجلاس ۾ فيصلو ڪيو ويو ته قائد تحريڪ جناب الطاف حسين جي هدايت جي روشني ۾ آئي ڊي پيز جي امداد جو سلسلو نه صرف جاري رکيو وڃي. بلڪه ان ۾ اضافو ڪندي ٻين هنڌن تي به امدادي ڪيمپون قائم ڪيون وڃن.ان کان علاوه رابطا ڪميٽي خيبرپختونخواھ سان تعلق رکندڙ مخير حضرات خصوصن واپارين، صنعتڪارن ۽ بلڊرن سميت زندگي جي تمام شعبن سان تعلق رکڻ وارين اهم شخصيتن کي اپيل ڪئي آهي ته اهي اتر وزيستان جي متاثرين جي امداد جي لاءِ اڳتي اچن ۽ وڌ کان وڌ تعداد ۾ کاڌي پيتي جون شيون ۽ ٻيو امدادي سامان بنون ۾ ايم ڪيو ايم جي امدادي ڪيمپ تي جمع ڪرائين ته جيئن متاثرين جي وقت تي مدد ڪري سگهجي.