ايم ڪيو ايم جي رابطا ڪميٽي جي پنجاب جي گورنرچوڌري سرور ۽ پاڪستان عوامي تحريڪ جي قائد ڊاڪٽر طاهر القادري کي مبارڪباد.
رابطا ڪميٽي قائد تحريڪ جناب الطاف حسين جي ذاتي دلچسپي ۽ براھ راست ڪوششن کي به خراج تحسين پيش ڪيو.
ڪراچي؛ 23 جون 2014
متحده قومي موومينٽ جي رابطا ڪميٽي پنجاب جي گورنر چوڌري سرور ۽ پاڪستان عوامي تحريڪ جي قائد جناب ڊاڪٽر طاهر القادري کي مبارڪباد پيش ڪئي آهي جن جي ڪوششن جي ڪري هڪ ڊيڊ لاڪ ختم ٿيڻ ۾ مدد ملي ۽ ملڪ هڪ بحران کان بچي ويو آهي. رابطا ڪميٽي ان سلسلي ۾ ايم ڪيو ايم جي قائد جناب الطاف حسين جي ذاتي دلچسپي ۽ براھ راست ڪوششن کي به خراج تحسين پيش ڪيو جن وقت تي فيصلو ڪري ان صورتحال کي نه صرف سنڀاليو بلڪه حل به ڪرايو. رابطا ڪميٽي سنڌ جي گورنر ڊاڪٽر عشرت العباد جي ڪوششن جي به تعريف ڪئي جن هميشه وانگر هن ڀيري به پنهنجو مثبت ڪردار ادا ڪيو. رابطا ڪميٽي چيو ته اسان کي اميد آهي ته آئنده به ملڪ ۾ افهام و تفهيم سان ۽ گڏجي ڪري هر بحران کان نڀرڻ جون ڪوششون جاري رهنديون.