قومي ۽ سنڌ اسيمبلي جي حق پرست ميمبرن ۽ سينيٽرن سميت ايم ڪيو ايم جا تمام ڪارڪنَ پنهنجي هڪ ڏينهن جي پگهار آئي ڊي پيز جي قائم ڪيل فنڊ ۾ جمع ڪرائين. قائد تحريڪ جناب الطاف حسين جي هدايت.
لنڊن؛ 23 جون 2014
متحده قومي موومينٽ جي قائد جناب الطاف حسين ايم ڪيو ايم جي قومي اسيمبلي جي ميمبرن، سينيٽرن ۽ سنڌ اسيمبلي جي ميمبرن سان گڏو گڏ ايم ڪيو ايم جي تمام ڪارڪنن کي به هدايت ڪئي آهي ته اهي پنهنجي هڪ ڏينهن جي پگهار ملڪ جي اتر وارن علائقن ۾ دهشت گردن جي خلاف فوج جي ڪاروائي جي نتيجي ۾ پنهنجا گهربار چڏڻ تي مجبور ٿيڻ وارن يعني آئي ڊي پيز جي لاءِ فنڊ ۾ جمع ڪرائين. جناب الطاف حسين فرمايو ته ملڪ هن وقت پنهنجي تاريخ جي انتهائي نازڪ دور کان گذري رهيو آهي ۽ فوج ملڪ کي سڀني کان وڏي خطري يعني دهشت گردي سان نڀري رهي آهي ۽ پوري قوم اهڙي وقت ۾ فوج جي ڪاميابي جي لاءِ دعاگو آهي ان جي ڪري اسان سڀني جي ذميواري آهي ته اهڙي وقت ۾ دعا سان گڏو گڏ عملي طور تي پنهنجا فرض به پورا ڪريون. انهن فرمايو ته هميشه وانگر ايم ڪيو ايم جي اسيمبلي ميمبرن، سينيٽرن ۽ هڪ هڪ ڪارڪن کي اڳتي وڌڻ گهرجي ۽ فوري طور تي پنهنجي هڪ ڏينهن جي پگهار آئي ڊي پيز جي قائم ڪيل فنڊ ۾ جمع ڪرائين.