ايم ڪيو ايم رابطا ڪميٽي ۽ حق پرست ميمبرن جي ٻن مختلف وفدن جي طرفان ڊاڪٽر طاهر القادري جو وطن واپسي تي استقبال.
ڪراچي؛ 23 جون 2014
متحده قومي موومينٽ جي قائد جناب الطاف حسين جي خصوصي هدايت تي ايم ڪيو ايم رابطا ڪميٽي ۽ اسيمبلين جي حق پرست ميمبرن تي مشتمل ٻه مختلف وفدَ پاڪستان عوامي تحريڪ جي سربراھ ڊاڪٽر طاهر القادري جي پاڪستان آمد جي موقعي تي اسلام آباد بينظير ايئرپورٽ ۽ لاهور ۾ علامه اقبال انٽرنيشنل ايئرپورٽ تي انهن جي استقبال جي لاءِ موجود هئا.لاهور ايئرپورٽ تي رابطا ڪميٽي جي ميمبرن سيد امين الحق، عبدالحسيب، قومي اسيمبلي جي حق پرست ميمبرن آصف حسنين ، ريحان هاشمي ۽ ڪارڪنن جي وڏي تعداد ڊاڪٽر طاهر القادري جو استقبال ڪيو ۽ انهن کي وطن واپسي تي مبارڪباد پيش ڪئي. جڏهن ته رابطا ڪميٽي ميمبر افتخار اڪبر رنڌاوا، ميان عتيق، رشيد گوڏيل ، قومي اسيمبلي جا حق پرست ميمبرَ اقبال محمد علي ، عبدالوسيم ۽ ڪارڪن وڏي تعداد ۾ اسلام آباد ايئرپورٽ تي ڊاڪٽر طاهر القادري جي استقبال جي لاءِ موجود هئا.