قومي اسيمبلي جي اسپيڪر سردار اياز صادق، معروف قانون دان عاصمه جهانگير ۽ جماعت اسلامي جي جنرل سيڪريٽري لياقت بلوچ جي حق پرست ميمبر قومي اسيمبلي طاهره آصف شهيد جي پونئرن سان ملاقات ۽ دلي تعزيت.
لاهور؛ 22 جون 2014
قومي اسيمبلي جي اسپيڪر سردار اياز صادق ، معروف قانون دان ۽ سابق صدر سپريم ڪورٽ بار عاصمه جهانگير ۽ جماعت اسلامي جي جنرل سيڪريٽري لياقت بلوچ لاهور ۾ واقع فيڊرل لاجز ۾ حق پرست ميمبر قومي اسيمبلي طاهره آصف شهيد جي رهائشگاھ تي وڃي ڪري انهن جي پونئرن سان ملاقات ڪئي ۽ دلي تعزيت ۽ افسوس جو اظهار ڪيو.اياز صادق شهيد بيداري پنجاب جي مڙس ۽ ٻارن سان ڳالھ ٻولھ ڪندي چيو ته طاهره آصف شهيد هڪ بي خوف ۽ بهادر عورت هئي ۽ انهن جي شهادت قومي سانحو آهي. وفاقي حڪومت هر سطح تي قاتلن کي گرفتار ڪري عبرتناڪ انجام تائين پهچائيندي.عاصمه جهانگير ۽ لياقت بلوچ ڳالھ ٻولھ ڪندي چيو ته اسان شهيد طاهره آصف جي قتل جي سخت ترين لفظن ۾ مذمت ڪريون ٿا ۽ انهن جي پونئرن جي ڏک ۾ برابر جا شريڪ آهيون. انهن چيو ته ڪنهن جمهوري حڪومت ۾ اسيمبلي جي عورت ميمبر جو قتل حڪومت جي رٽ تي سواليه نشان آهي. شهيد طاهره آصف جي پونئرن تعزيت جي لاءِ ايندڙن جو شڪريو ادا ڪيو ۽ چيو ته اسان اوهان جا شڪر گذار آهيون جو اوهان ڏک جي ان گهڙي ۾ تڏي تي لڙي آيو.