متحده قومي موومينٽ جي زير اهتمام شهيد بيداري پنجاب طاهره آصف جي ٽيجهي جو اجتماع نائن زيرو تي لعل قلعه گرائونڊ ۾ منعقد ڪيو ويو.

ڪراچي؛ 22 جون 2014

            متحده قومي موومينٽ جي زير اهتمام نائن زيرو تي لعل قلعه گرائونڊ ۾ شهيد بيداري پنجاب ميمبر قومي اسيمبلي محترمه طاهره آصف شهيد جي ٽيجهي جو اجتماع  منعقد ڪيو ويو. جنهن ۾ رابطا ڪميٽي ڊپٽي ڪنوينرن ڊاڪٽر خالد مقبول صديقي، انجنيئر ناصر جمال، رابطا ڪميٽي ميمبرن ڊاڪٽر فاروق ستار، حيدر عباس رضوي، ڪنور خالد يونس، امين الحق، ڊاڪٽر صغير احمد، احمد سليم صديقي، اسلم آفريدي، گلفراز خان خٽڪ، ڪهف الورٰي، توصيف خانزاده، آنسه ممتازانوار،  اسيمبلين جي حق پرست  ميمبرن،شعبن جي ذميوارن، سيڪٽر و يونٽن جي ذميوارن کان علاوه ڪارڪنن ۽ همدردن وڏي تعداد ۾ شرڪت ڪئي.ان موقعي تي حق پرست سينيٽر مولانا تنويرالحق ٿانوي وڏي خشوع و خضوع سان محترمه طاهره آصف شهيد جي مغفرت ۽ انهن جي درجات جي بلندي جي لاءِ فاتحه خواني ڪرائي ۽ قائد تحريڪ جناب الطاف حسين سميت شهيد جي مڙس ، ٻارڙن ۽ تمام سوگوار پونئرن جي لاءِ صبر جميل، پنجاب سميت سڄي ملڪ ۾ ايم ڪيو ايم جي ڪاميابي ، ضرب عضب جي ڪاميابي، سازشن جي خاتمي، اسيرن جي رهائي، لاپتا ڪارڪنن جي واپسي، پاڪستان جي بقا و سلامتي ، دهشت گردي جي خاتمي ۽ قوم جي خوشحالي سميت قائد تحريڪ جناب الطاف حسين جي صحت و تندرستي ۽ وڏي عمر جي لاءِ خصوصي دعائون ڪيون ويون.