مختلف سياسي شخصيتن جو ايم ڪيو ايم جي رهنمائن سان ٽيليفون تي رابطو.
ڊاڪٽر طاهر القادري، اسحاق ڊار، سابق وزراء اعلٰي سنڌ ارباب غلام رحيم ، لياقت جتوئي ۽ سابق صوبائي وزير پير مظهر الحق جي طرفان ايم ڪيو ايم جي قائد جناب الطاف حسين کي حراست ۾ وٺڻ تي ڳڻتي جو اظهار.
لنڊن؛ 5 جون 2014
پاڪستان عوامي تحريڪ جي سربراھ ڊاڪٽر طاهر القادري ايم ڪيو ايم جي ڊپٽي ڪنوينر نديم نصرت ۽ رابطا ڪميٽي ميمبر بابر غوري سان ٽيليفون تي رابطو ڪيو، ڊاڪٽر طاهر القادري ايم ڪيو ايم جي قائد جناب الطاف حسين کي حراست ۾ وٺڻ تي وڏي ڳڻتي جو اظهار ڪندي چيو ته جناب الطاف حسين ڪروڙين عوام جا رهنما آهن، عوام انهن سان عقيدت ۽ محبت رکن ٿا، لحاظه انهن جي معاملي ۾ انصاف جا تمام تقاضا پورا ڪيا وڃن. ڊاڪٽر طاهر القادري جناب الطاف حسين جي صحت يابي جي لاءِ دعا به ڪئي .
ان کان علاوه وفاقي وزير خزانه اسحاق ڊار رابطا ڪميٽي جي ميمبرن، محمد انور۽ بابر غوري سان رابطو ڪيو، اسحاق ڊار جناب الطاف حسين جي برطانيه ۾ حراست تي ڳڻتي جو اظهار ڪيو انهن وزير اعظم ميان نواز شريف ۽ وفاقي حڪومت جي طرفان جناب الطاف حسين جي لاءِ قانوني ۽ اخلاقي تعاون جو يقين به ڏياريو. انهن جناب الطاف حسين جي جلد و مڪمل صحت يابي جي لاءِ دعا به ڪئي . ان کان علاوه سنڌ جي سابق وزراء اعلٰي ارباب غلام رحيم، لياقت جتوئي ۽ سابق صوبائي وزير پير مظهر الحق به رابطا ڪميٽي جي ميمبرن سان ٽيليفون تي رابطو ڪيو ۽ جناب الطاف حسين جي خيريت دريافت ڪئي ۽ انهن کي حراست ۾ وٺڻ تي ڳڻتي جو اظهار ڪيو. انهن ايم ڪيو ايم جي رهنمائن ۽ ڪارڪنن سان يڪجهتي جو اظهار ڪندي جناب الطاف حسين جي صحت و تندرستي جي لاءِ دعائون ۽ نيڪ خواهشن جو اظهار به ڪيو.
****