قائد تحريڪ جناب الطاف حسين جي قومي اسيمبلي جي اسپيڪر اياز صادق سان فون تي ڳالھ ٻولھ، ڏکئي وقت ۾ ساٿ ڏيڻ ۽ ڀرپور يڪجهتي جو اظهار ڪرڻ تي انهن جو شڪريو ادا ڪيو.
لنڊن؛ 8 جون 2014
متحده قومي موومينٽ جي قائد جناب الطاف حسين قومي اسيمبلي جي اسپيڪر ۽ ن ليگ جي رهنما سردار اياز صادق کي فون ڪري ڏکئي وقت ۾ ساٿ ڏيڻ ۽ ڀرپور يڪجهتي جو اظهار ڪرڻ تي پنهنجي ۽ ايم ڪيو ايم جي پوري قيادت جي طرفان انهن جو شڪريو ادا ڪيو. اياز صادق جناب الطاف حسين کي انهن جي رهائي تي مبارڪباد پيش ڪئي ۽ چيو ته مصيبت ڪنهن تي به اچي،اسان کي مصيبت جي وقت ۾ هڪ ٻئي جي مدد ڪرڻ گهرجي ۽ هڪ ٻئي سان گڏجي بيهڻ گهرجي.انهن جناب الطاف حسين کي انهن جي گرفتاري جي موقعي تي وزير اعظم ميان نواز شريف جي طرفان رابطي جي لاءِ خصوصي ڪميٽي جي قيام ۽ سفارتي ۽ قانوني تعاون جي لاءِ لنڊن ۾ پاڪستان جي قائم مقام هائي ڪمشنر کي ڏنل هدايتن ۽ ايم ڪيو ايم جي رهنمائن سان پنهنجن رابطن جي تفصيلات کان به آگاھ ڪيو، اياز صادق جناب الطاف حسين کي چيو ته اوهان هڪ وڏي جماعت جا قائد آهيو ۽ پنهنجي جماعت جي لاءِ پلر آف يونٽي آهيو، اسان جي دعا آهي ته الله تعالٰي اوهان کي صحت و تندرستي عطا فرمائي. جناب الطاف حسين اسپيڪر قومي اسيمبلي اياز صادق سان ڳالھ ٻولھ ڪندي وزير اعظم ميان نواز شريف کي سلام چيو ۽ انهن جي طرفان ڪيل ڪوششن ۽ تعاون ڪرڻ تي انهن جو شڪريو ادا ڪيو، جناب الطاف حسين فرمايو ته الله تعالٰي اسان سڀني کي هڪ ٻئي کي تسليم ڪرڻ ۽ هڪ ٻئي جي وجود کي برداشت ڪرڻ جي توفيق عطا فرمائي . اسان کي پاڪستان جي سلامتي و بقا ، ترقي و خوشحالي ۽ ملڪ ۾ اهڙي نظام جي قيام جي لاءِ ڪوششون ڪرڻ گهرجن، جتي تمام مسلڪن ۽ مذهبن جي مڃڻ وارن پاڪستانين کي برابر جا حق ملي سگهن.