مسلم ليگ ق سنڌ جي صدر حليم عادل شيخ ۽ آرٽس ڪائونسل جي نمائنده وفد جي جناب الطاف حسين جي رهائي تي مبارڪباد.

جناب الطاف حسين جي رهائي حق ۽ سچ ، قانون ۽ انصاف جي فتح آهي. حليم عادل شيخ.

ڪراچي؛ 8 جون 2014

         مسلم ليگ ق سنڌ جي صدر حليم عادل شيخ ڪراچي ڊويزن جي صدر ۽ عهديدارن سان گڏجي نائن زيرو تي رابطا ڪميٽي جي ميمبر حيدر عباس رضوي سان ملاقات ڪئي ۽ قائد تحريڪ جناب الطاف حسين جي رهائي تي دلي مبارڪباد پيش ڪئي. حليم عادل شيخ چيو ته جناب الطاف حسين جي رهائي حق و سچ ۽ قانون ۽ انصاف جي فتح آهي ، انهن جناب الطاف حسين جي علالت تي وڏي ڳڻتي جو اظهار ڪيو ۽ انهن جي صحت يابي جي لاءِ دعا به ڪئي . ان موقعي تي حيلم عادل شيخ جناب الطاف حسين جي رهائي جي خوشي ۾ رابطا ڪميٽي جي ميمبرن کي مٽائي به کارائي.اهڙي طرح ڪراچي آرٽس ڪائونسل جي صدر اعجاز فاروقي ۽ سيڪريٽري احمد شاھ جي سربراهي ۾ هڪ نمائنده وفد نائن زيرو تي رابطا ڪميٽي جي ميمبرن سيد امين الحق ۽ احمد سليمصديقي سان ملاقات ڪئي ۽ جناب الطاف حسين جي رهائي تي دلي خوشي جو اظهار ڪيو. اعجاز فاروقي ڳالھ ٻولھ ڪندي چيو ته جناب الطاف حسين جي رهائي سڄي ملڪ جي غريب ۽ مظلوم عوام جي لاءِ اطمينان جو ڪارڻ بڻي آهي ۽ ان سان ماڻهن جي دلين کي  سڪون مليو آهي. رابطا ڪميٽي انهن جي خيالن کي ساراهيندي چيو ته قائد تحريڪ جناب الطاف حسين ملڪ جي واحد شخصيت آهن جن جي حراست کان پوءِ زندگي جي هر شعبي سان تعلق رکڻ وارو ماڻهو فڪر مند ڏسڻ ۾ آيو. جيڪو ان ڳالھ جو ثبوت آهي ته جناب الطاف حسين ڪروڙين عوام جي دلين جي ڌڙڪڻ آهن. رابطا ڪميٽي چيو ته جناب الطاف حسين ڪڏهن به اصولن تي سودي بازي نه ڪئي آهي . رابطا ڪميٽي آرٽس ڪائونسل جي وفد جو شڪريو ادا ڪيو ۽ جناب الطاف حسين جي لاءِ انهن جي نيڪ خيالن کي عقيدت ۽ محبت جو اظهار به قرار ڏنو.

*****