سابق وزراء اعظم ۽ پيلپز پارٽي جي سينيئر رهنمائن يوسف رضا گيلاني ، راجه پرويز اشرف ۽ مخدوم امين فهيم جا ناقابل ضمانت وارنٽ جاري ڪرڻ جي مان مذمت ڪريان ٿو.قائدتحريڪ جناب الطاف حسين.
يوسف رضا گيلاني، راجه پرويز اشرف ۽ مخدوم امين فهيم کي سياسي انتقام جو نشانو بڻايو پيو وڃي.
آصف علي زرداري کي ڀائري واري اپيل ڪريان ٿو ته اهي دوست ۽ دشمن جي سڃاڻ ڪن.جناب الطاف حسين.
لنڊن؛ 2 جون 2014
متحده قومي موومينٽ جي قائد جناب الطاف حسين سابق وزراء اعظم ۽ پيپلز پارٽي جي سينيئر رهنمائن يوسف رضا گيلاني ،راجه پرويز اشرف ۽ مخدوم امين فهيم جا ناقابل ضمانت وارنٽ جاري ڪرڻ جي مذمت ڪندي ان عمل کي سياسي انتقام قرار ڏنو آهي ۽ ان تي انهن رهنمائن ۽ پيپلز پارٽي جي شريڪ چيئرمين ۽ سابق صدر آصف علي زرداري سان دلي همدردي جو اظهار ڪيو آهي. پنهنجي هڪ بيان ۾ جناب الطاف حسين فرمايو ته پيپپلز پارٽي جي انهن رهنمائن جن کي پيپلز پارٽي وزير اعظم پاڪستان سميت ٻين وڏن وڏن عهدن تي مقرر ڪيو، اڄ انهن جي خلاف ڪرپشن جا مقدما بڻايا پيا وڃن ۽ انهن جا ناقابل ضمانت وارنٽ جاري ڪيا پيا وڃن.جڏهن ته انهن مان ڪجھ رهنمائن جي ٻاهرين ملڪ وڃڻ تي پابندي به عائد ڪئي وئي آهي ، مان ان عمل جي مذمت ڪريان ٿو ۽ سياسي انتقام جو نشانو بڻجڻ وارن رهنمائن سان دلي همدردي جو اظهار به ڪريان ٿو .انهن پيپلز پارٽي جي سربراھ آصف علي زرداري سان به دلي همدردي جو اظهار ڪيو ۽ انهن کي ڀائري واري اپيل ڪئي ته اهي دوست ۽ دشمن جي سڃاڻ ڪن ته اهو انهن جي ۽ انهن جي پارٽي جي لاءِ بهتر هوندو.
*****